Owisa 18:30 - Iaai Bible 1901 (New Caledonia)

³⁰ Ke haba laku Dana ödrin e otilâ hobi ködrin hnatheat adre tretrao: ke haba Jonathana, nöku Geresoma, nöku Mose, e me lakon a hnyat bihut anyin tribu Dana ke ne o but bong adre hom hwenbâ hnyei.

Owisa 18:30 ပူးပေါင်းရင်းမြစ်များ

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 17:18

Anyin a wale Iehova ame hmonyin gan hmâ kö Isaraela me kunʼ ödrin dut ûnyi hnyi hnyimakan: e ba köluidrin, ke hake so thiju tribu anyi Juda.

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

II. Je Than 17:22

Ke haba lakon Isaraela ödrin e vheno ta je hulö hia anyi Jeroboama e ame ânyâ; ödrin e ca saû but ûnyi hnyin;

II. Je Than 17:23

ke ne o but Iehova ame hom Isaraela but ûnyi hnyi hnyimakan, helâ me hnen hna ha a deny je athnyabainy hia a ta je perofeta. Me adre me hom at Isaraela ûnyi hnyi idrin hnyei Asuria ai, ke ne o but hnyi bong ang.

Esodo 18:3

me lakon li baga; haba ien khaca Geresoma; anyin a haingen, ka habe, Oge hia but atkanyua hnyi ke hnyei bi:

Esodo 2:22

Kʼ ame hnokoâ nokon baga, me ame hwenyi ien Geresoma: anyin a haingen, ka habe, Iny atkanyua hnyi ke hnyei bi.

Esodo 20:4

U ma ca he ka bi hnatheat hobi köu, me oûco ke ûnyi ethö hnyi drany me eang hmelen, me hnyi köiö hmelen hnyei:

Levitiko 26:1

CA he öbun ka bi idola, ke ca he ka otilâ hobi köbun ke hnatheat, ame ne veto ame tot, kʼ öbun e ca he ka ip hnyi ibun hnyei ke veto adre kave he ka nom kâu; anyin a inya Iehova Khongubun.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 31:29

Anyin ae khanö nya a iny ka mokcu, me öbun e he biju ka oikiki öbun, me sâû ûnyi hnyi gethen waleji oge hûna köbun; ke ame he ka o kong köbun hnyi ta je bong a biliny; anyin a öbun e he ka ânyâ ûnyi ae kong hnyi hnyimakö Iehova, he ka ohmönyinâ e ge je huliwa ae kong anyin li hnyamöbun.

Owisa 13:1

KE haba lakon Isaraela adre me ânyâ hmetu hwakecin ae kong hnyi hnyimakö Iehova; me Iehova ame hnʼ ödra ka hnyi hnyamen at Filisiti hnyi je huna a fâte.

Owisa 17:3

Ke e ame ham hmetu je, mone a eleven haded ka hinyen, me hinyen ame ha, ka habe, Oge me okabâ je mone kö Iehova ûnyi hnyi hnyamök hobi kâu nokuk, mʼ adre me ânyâ hnatheat adre tretrao me hnatheat adre oköiâ: ke walang ang oge me he ka ham köu.

Owisa 17:5

Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.