Owisa 18:24 - Iaai Bible 1901 (New Caledonia)

²⁴ Ke haingen, ka habe, Öbun e hia but hom anyik je khong wale oge ânyâ, me anyik at bihut, me öbun e he, ke ieû biju könya? ke ieû e öbun e ha könya, ka habe, Ieû gam?

Owisa 18:24 ပူးပေါင်းရင်းမြစ်များ

Genese 31:30

Ke walang ang e hwege thö wem he ka he, anyin ae gan hmâ wen ka hnyi hnyaban kâmâm, ke ieû gam u je venâu je khonguk?

Genese 31:34

Ke haba Rakela ame hia but hom ta je idola me ikhâlâ hnyi je tap hnân tabâ kamela, me e ame laba ju hon. Ke Labana ame elâm igigilö hia hnyi uma mano, kʼ ame ca wâ bi.

II. Man Ûlabainy Je Than. 25:15

Me ame ubâhlâ thö hmonyin anyi Iehova kö Amazia, me e ame kunâ kâu ke perofeta, at ame ha kâu, ka habe, Anyin a ieû u je elâm unyin je khongon tavat, wale ödrin e ca hia but omelö je atödrin ûnyi hnyi hnyamâm?

Salamo 115:8

Ame he tavat adre me up ödra ka helâ mödra; Eke, ödra hia hnyat adre me labageju kodra.

Jeremia 50:38

E hu bongon ihmeiny hon köien je köihnam, kʼ ame he ka hwahwacit: anyin a e hnyeiny ta je hnatheat, kʼ adre me ti hobâ je idola.

Jeremia 51:17

Ödra monu hia tavat, tavat ae ca khanʼ ödra; ame hmehma but tavat hia huliwa gol can anyidra bi hnatheat: anyin a thoi but anyin idola adre okoiâ, ke ba homenâ eû hnyidrin.

Ezekiela 23:5

Ke tiga anyik momo Ahola, me e ame bi ûnyi monu; kʼ ame betenge ge je laweny, a at Asuria, tavat adre me laba hakekenyâ,

Ta je huliwa 19:26

Ke öbun e wâ me long, a ca hake Efeso thibi, ke helâke me Asia hia minya, hnö Paulo eang hna ohmehmela, me wia tavat ae se hia, me ha, ka habe, ca je khong bi ang adre ânyâ ge je hnyam:

Hna Omanenâ 17:2

ke ta je thaniny hmeledrany adre me bi ûnyi monu mē, kʼ ame monu aten hmeledrany hnen wainainy anyin bi ûnyi monu.

Owisa 17:13

Ke haingö Mika, ka habe, E khanö nya walang ang a ga me he Iehova ka ânyâ ûnyi ae so könya, anyin ae hu unyik at Levi hnân at bihut.

Owisa 17:5

Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.

Owisa 18:23

Ke ödrin e hongot ka laku Dana. Ke ödrin e hwio me ha kö Mika, ka habe, Ieû gam u me tha he me bunyen helâe?

Owisa 18:25

Me ame ha kâu laku Dana, ka habe, E so adre me ca long hwâm hofuc unyihmun wâ e nye kuc u thö tavat ae hmönyin, me u me he ka mok me ânyâm lap.