Owisa 18:2 - Iaai Bible 1901 (New Caledonia)

² Ke haba laku Dana, ödrin e kunâ je hnyat ûnyi hnyi anyidrin lap a ödrin faiv, ûnyi hnyi ûseidrin hia, a je hnyat ae hwege, ûheny Zorea, me Esetaol, he ka ecmâkâ hnyei, me elâm e; ke ödrin e ba ködrin, ka habe, He thö ka elâm hnyei: ke ödrin e o but ka hnyi hnyei ae hut hnyi Eferaima, hnyi uma umo Mika, me ödrin e mokut eling.

Owisa 18:2 ပူးပေါင်းရင်းမြစ်များ

Genese 42:9

Ke Josefa ame ûnykûme li bwi e ame bo gadrin, me e ame ha ködrin, ka habe, Öbun je hnyat ae kong; öbun e o but he ka ecmâkâ hnyei ae ba ûnyi.

Ta je Vejec 20:18

Ame ohmâ ta je ûnykûme hnen ûhnenamö: Ke u ma vak dö vat hoton hna ûhnenamö wia.

Numera 13:17

Ke Mose ame kunʼ ödrin he ka ecmâkâ hnyei Kanana, me ha ködrin, ka habe, Öbun e he ka ölö hnyi Hwaiöu, ke öliâ thö je bucen:

Luka 14:31

Ke ie ke than ame he ka vat me ke than, ke ame ca mē laba me bân ka ûnykûme, hawa, e khana e me tavat a ten thauzan he ka vat me at ae hu gan twente thauzan e ka he ka o kâu?

Josua 15:33

Ke haba hnyi hnyei ae ca hut, me Esetaol, me Zorea, me Asena;

Josua 19:41

Ke haba hnyigöulen jekhöûdrin, Zorea, me Esetaol, me Ira-semes;

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Josua 2:2

Me adre me thumeto thaniny Jeriko, ka habe, Wâ bi, ame he jem li at eja hnyinghet ûheny unyin lakon Isaraela, he ka ecmâkâ hnyei.

Owisa 13:2

Ke wale ke at at Zorea hanen lap anyin at Dana, Manoa ien; ke toûnyi âiân, kʼ ame ca hnokoâ bi.

Owisa 13:25

Ke ame hwân hanu Iehova he ka huliwan hnyekon hnyi lap anyi Dana, hnyi wanben Zorea me Esetaol.

Owisa 16:31

Me ame he je liamekeiny mê me lap anyin kamen hia, me hom e, me vadren, me konâm wanben Zorea me Esetaol hnyi hu Manoa a kamen. Ke e ame owisa ka at Isaraela twente je huna.

Owisa 17:1

KE e hu ke at aten hnyei ae hut hnyi Eferaima, Mika ien.

Owisa 18:11

Ke ame he ûheny e ûnyi hnyi lap anyi Dana, a ûheny Zorea, me Esetaol, ödrin hnyat a siks haded ae ve hu omjehen vat.

Owisa 18:13

Ke ödrin e be ûheny e ka hnyi hnyei ae hut hnyi Eferaima, me o hnyi uma umo Mika.

Owisa 18:3

Ke tiga ödrin hnyi baten uma umo Mika, ödrin e lönghmakhmetoâ ifucin hidröu at Levi; me ödrin e saû kâ e, me ha kâu, ka habe, Ia hum u jem? ke ieû hûdrâm eang? ke ieû ânyâm eang?

Owisa 18:8

Ke ödrin e o but ka je liamekeiny mödrin hnyi Zorea me Esetaol; me ame ha ködrin je liamekeiny mödrin, ka habe, Hawa gabun?

Owisa 19:1

KE haba hnyi je bong eling ae ba than hnyi Isaraela, me hu ke at Levi ame laba kanyua hnyi ke keihen hoton hnyei ae hut hnyi Eferaima, at ame hom anyin momo ûnyi hnyi Bethe-leema-juda.

Owisa 19:18

Ke haingen kâu, ka habe, Ûhehmun Bethe-leema-juda, ke ohmun e he ka hnyi ke keihen hnyei ae hut hnyi Eferaima; ûhek e, me oge me he Bethe-leema-juda ai: ke oge me he but ka hnyi uma umo Iehova; ke ba at ame hawo nya ka hnyi umen uma.