Owisa 18:10 - Iaai Bible 1901 (New Caledonia)

¹⁰ Öbun ka he, öbun e he ka o ka tavat adre laba khötkic, ke lau but hnyei; anyin a Khong ame ham e köbun; hnyei ae ba ke ûnyi ae hia hnyin eang hmeledrany.

Owisa 18:10 ပူးပေါင်းရင်းမြစ်များ

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Deuteronomi 2:29

helâ me hna ânyâ könya hnen laku Esau adre me labā Seira, me at Moaba adre me labā Aro; me inye he ka hanyâûâ Joridano ka hnyi hnyei waleji a ham kohmun hnö Iehova Khonguhmun.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

Josua 2:23

Ke ame hmetu li at, me utut ûheny hon bucen, me hanyâûâ me o unyi Josua nöku Nuna; me ödru me thumeto e ge ta je ûnyi hia a o ködru,

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 6:16

Ke haba hnyi ûen a seveniny, kʼ ame tûö trutru hnyat bihut, me haba Josua ame ha ka hnyat bihut, ka habe, Kuku thö; anyin a hia but Iehova ham köbun taun.

Owisa 18:11

Ke ame he ûheny e ûnyi hnyi lap anyi Dana, a ûheny Zorea, me Esetaol, ödrin hnyat a siks haded ae ve hu omjehen vat.

Owisa 18:27

Ke ödrin e hom je ûnyi a ânyâ Mika, me anyin at bihut, me o but Laisi, ka tavat adre me laba so me khötkic, me kuc ödrin ge hele vat; ke ödrin e thong taun ge meic.

Owisa 18:7

Me ame he but hnyat a ödrin faiv, me o hnyi Laisi, me wâ tavat hnyin e a ödrin e laba so helâ me at Zidona, a hnahic ut me khötkic; anyin ae ba at musi hnyi hnyei me me thawâ ta je ûnyi, he ka oh-mehmʼ ödrin hnyi ta je ûnyi; ke ödrin e ûsâkâûö me at Zidona, ke ba ûnyi anyin ke at ka ke at.

Owisa 18:9

Ke haingödrin, ka habe, Todrö, me otin e he ködrin, anyin a ohmun e wâ hnyei, ke wâ bi, e ti so; ke ieû gabun öhun e laba ju? ca bec bi he ka he, me he thö ka hu hnyei.