Owisa 17:4 - Iaai Bible 1901 (New Caledonia)

⁴ Ke e ame ham je mone ka hinyen, me hinyen ame hom lo li haded je sileva me ham ka at ame huliwan fao, me e ame ânyâ hnatheat adre tretrao, me hnatheat adre oköiâ: ke ka e hnyi uma umö Mika.

Owisa 17:4 ပူးပေါင်းရင်းမြစ်များ

Isaia 30:22

Ke öbun e he ka oikikiâ sileva tubwiny anyibun je hnatheat, me gol adre okoiâ hmanenanginy anyibun je idola: u me he ka degec helâ me ecmano ae ikiki; u me he ka ha kâu, ka habe, Kec dö u.

Isaia 44:13

Haba at ame tretrau utö ame lelö tulut; e ame bi hnalimen e ge pensel; e ame tibet e ge je omelö, ke e ame tuluto e ge je kompas, ke e ame ânyâ öûco e me at, hoton hmainy at, me me laba hnyin uma.

Habakuka 2:18

Ieû troban hnatheat me me huliwan e hnen at ame op e; me idola adre oköiâ, me at ame nâ thoi, me me labageju kâu at ame huliwan bi, he ka ânyâ je idola ae hum.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Owisa 17:3

Ke e ame ham hmetu je, mone a eleven haded ka hinyen, me hinyen ame ha, ka habe, Oge me okabâ je mone kö Iehova ûnyi hnyi hnyamök hobi kâu nokuk, mʼ adre me ânyâ hnatheat adre tretrao me hnatheat adre oköiâ: ke walang ang oge me he ka ham köu.

Owisa 17:5

Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.

Owisa 18:17

Me ame he hnyat a thabûng a hnyat ecmâkâ hnyei, me didro, me hom hnatheat adre tretrao, me iefoda, me je idola, me hnatheat adre oköiâ: ke ame tha tot at bihut hnyi homagöule me tavat a siks haded ae hu omjehen vat.