Owisa 17:3 - Iaai Bible 1901 (New Caledonia)

³ Ke e ame ham hmetu je, mone a eleven haded ka hinyen, me hinyen ame ha, ka habe, Oge me okabâ je mone kö Iehova ûnyi hnyi hnyamök hobi kâu nokuk, mʼ adre me ânyâ hnatheat adre tretrao me hnatheat adre oköiâ: ke walang ang oge me he ka ham köu.

Owisa 17:3 ပူးပေါင်းရင်းမြစ်များ

II. Man Ûlabainy Je Than. 33:7

Ke haba idola adre theatâ wale e ame ânyâ, me e ame otilâ hnyi uma umen Khong, waleji a ha gan Khong kö Davita me Solomona a nokon, ka habe, Haba hnyi uma eang me hnyi Jerusalema wale o ge ûca ûnyi hnyi ta je tribu hia anyin at Isaraela, oge me he ka ip iök hnyin nyiele balua:

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 20:4

U ma ca he ka bi hnatheat hobi köu, me oûco ke ûnyi ethö hnyi drany me eang hmelen, me hnyi köiö hmelen hnyei:

Esodo 34:17

U ca he ka ânyâ je khong adre oköiâ.

Isaia 30:22

Ke öbun e he ka oikikiâ sileva tubwiny anyibun je hnatheat, me gol adre okoiâ hmanenanginy anyibun je idola: u me he ka degec helâ me ecmano ae ikiki; u me he ka ha kâu, ka habe, Kec dö u.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Jeremia 10:8

Ke ödra tavat a hwakecin meno me monu hia: haba hna ûnö hnen je hnatheat wale thibi e a hnyiban utö.

Levitiko 19:4

Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Deuteronomi 12:3

ke öbun e he ka kia anyidra je taben hut, me khûâ oamemâ anyidra je veto ame tot, me thong degecâ anyidra je Aseira ge meic; ke öbun e he ka sö degecâ je hnatheatiny anyidra je khong; ke öbun e he ka ohia je iödra ûnyi hnyi dok eling.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Owisa 17:13

Ke haingö Mika, ka habe, E khanö nya walang ang a ga me he Iehova ka ânyâ ûnyi ae so könya, anyin ae hu unyik at Levi hnân at bihut.

Owisa 17:2

Ke e ame ha ka hinyen, ka habe, Haba je sileva a eleven haded adre hom unyâm, wale u je û-hangö gan, me fuc gan hnyi li hnyekönyök, wâ bi, e unyik; oge hom. Me ame ha hinyen, ka habe, E hnahic ut nokuk ûnyi; ga Iehova.

Owisa 17:4

Ke e ame ham je mone ka hinyen, me hinyen ame hom lo li haded je sileva me ham ka at ame huliwan fao, me e ame ânyâ hnatheat adre tretrao, me hnatheat adre oköiâ: ke ka e hnyi uma umö Mika.

Owisa 18:30

Ke haba laku Dana ödrin e otilâ hobi ködrin hnatheat adre tretrao: ke haba Jonathana, nöku Geresoma, nöku Mose, e me lakon a hnyat bihut anyin tribu Dana ke ne o but bong adre hom hwenbâ hnyei.

Owisa 18:5

Me ödrin e ha kâu, ka habe, Ö u elâm dö unyin Khong me me khanʼ ohmun dö ame ne he ka hnahic ûhehmun.