Owisa 17:1 - Iaai Bible 1901 (New Caledonia)

¹ KE e hu ke at aten hnyei ae hut hnyi Eferaima, Mika ien.

Owisa 17:1 ပူးပေါင်းရင်းမြစ်များ

I. Je Than 4:8

Ke walang je iödrin: jia Bene-huro, hnyi hnyei ae hut hnyi Eferaima:

Josua 15:9

ke adre tuluto hnyigöulen ûnyi hnyi ban bucen ke ne o but hnyi köiö ame pupua anyi Nefetoa, ke ame he ke ne o but je taun hnyi bucen Eferona; ke adre tuluto hnyigöulen hnyi Baala (wale Kiriatha-jarim):

Josua 21:21

Ke adre me ham ködrin Sekema me je utkânâiny wale hnyi hnyei ae hut hnyi Eferaima, a taun hnân lubaduöng hnyin ge at ame hlingâ at, me Gezera me je utkânâiny;

Josua 24:30

Me adre me konâm e hnyi iny hnyei, wale Timena-sera, hnyi hnyei ae but hnyi Eferaima, hnyi bucen Gasa ka hnyi hwadrö.

Owisa 10:1

KE hwabö Abimelek me ame o Tola nöku Pua, nöku Dodo, at Isakara, he ka omelö at Isaraela; ke e ame laba hnyi Samira hnyi hnyei ae hut hnyi Eferaima.

Owisa 16:31

Me ame he je liamekeiny mê me lap anyin kamen hia, me hom e, me vadren, me konâm wanben Zorea me Esetaol hnyi hu Manoa a kamen. Ke e ame owisa ka at Isaraela twente je huna.

Owisa 17:2

Ke e ame ha ka hinyen, ka habe, Haba je sileva a eleven haded adre hom unyâm, wale u je û-hangö gan, me fuc gan hnyi li hnyekönyök, wâ bi, e unyik; oge hom. Me ame ha hinyen, ka habe, E hnahic ut nokuk ûnyi; ga Iehova.

Owisa 18:13

Ke ödrin e be ûheny e ka hnyi hnyei ae hut hnyi Eferaima, me o hnyi uma umo Mika.

Owisa 18:2

Ke haba laku Dana, ödrin e kunâ je hnyat ûnyi hnyi anyidrin lap a ödrin faiv, ûnyi hnyi ûseidrin hia, a je hnyat ae hwege, ûheny Zorea, me Esetaol, he ka ecmâkâ hnyei, me elâm e; ke ödrin e ba ködrin, ka habe, He thö ka elâm hnyei: ke ödrin e o but ka hnyi hnyei ae hut hnyi Eferaima, hnyi uma umo Mika, me ödrin e mokut eling.

Owisa 3:27

Ke e ame he but me tûâ trutru hnyi hnyei ae hut hnyi Eferaima, me ame tha utut lakon Isaraela mē ûheny hon hnyei ae hut, ke e ame bân.