Owisa 16:25 - Iaai Bible 1901 (New Caledonia)

²⁵ Ke ame senyin dut je hnyekudrin, me ödrin e ha, ka habe, Hawo Samasona me me ûhiö kötin. Me ödrin e hum Samasona ûnyi hnyi kalebus; me e ame ûhiö ködrin: ke ödrin e otilâ e hnyi wanben je hmolom.

Owisa 16:25 ပူးပေါင်းရင်းမြစ်များ

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

I. Je Than 20:12

Ke ame long hofuc eling, ke ame tiga ic me je than, hnyi anyin je uma menâ, me e ame ha ka lakeiny, ka habe, Penapena thö. Me ödrin e tot metâ cicö taun.

Esetera 1:10

Ke haba hnyi bong a seveniny, kʼ ame senyin hnyekon than ge waina, me e ame ha ko Meuman, me Bizetha, me Harebona, me Bigetha, me Abagatha, me Zethar, me Karekas je eunuka a seven, hnyat ödrin e huliwa hnyi hnyimakö Asueru than,

Esetera 3:15

Ke ame ie he but tavat wadring ge hna hûna hnen than, ke adre me omanenâ hnanyibu hnyi Susani hnyaban than: ke haba than me Hamana ödru me tha laba he ka ic; ke ame hlohlo but taun Susani.

Salamo 69:12

Adre me ûhnenamö gak tavat adre me laba hnyi homagöule; Kʼ adre sit hwanök hnen tavat ic grâg.

Salamo 69:26

Anyin adre me ovecâ at u je hia but kot; Ke adre me ûhnenamö ge tenge anyin tavat u je hia but oaatâ.

Isaia 22:13

ke wâ bi, adre me senyin me hobâ, adre me khuc bolok, me hlingö mamoe, me han ûtiö, me ic waina: ate me he ka han me ic, anyin a nyi ate me he ka mok.

Mataio 27:29

Ke adre me hwâwâ je tö ae ûdedö hnân korona, me obicâ e, me ip hlowe hnyi hnyamen a metân; ke adre me ciboucâ hnyi hnyimakan, me hluma e, me ha, ka habe, E ge Tuhan at Juda!

Heberu 11:36

kʼ adre me cubec keihen ge ûhiö me ûkûc, eke, adre me cö ʼdra me ip ödra hnyi uma ceat:

Owisa 16:24

Ke ame wâ hnen tavat me ödrin e ogânâ khongudrin: anyin a haingödrin, ka habe, Hnen khongutin hna hna iwahnaihmiony mötin ka hnyi hnyamötin a at ame okongo itin hnyei, me hlingâ tavat ae se hia gatin.

Owisa 16:26

Haba Samasona ame ha ka hidröu at ame kât hnyamen, ka habe, Me hnö nya but he ka kâlâ je hmolominy uma, me inye he ka tot inyifâlâ.

Owisa 18:20

Me ame senyin hnyekon at bihut, me e ame hom iefoda, me je idola, me hnatheat adre tretrao, me he hnyi wanben tavat.

Owisa 19:6

Me ödru me laba me tha han me tha ic: ke haba kamen momo ame ha ka at, ka habe, Ö u me laba ju me mokut, me me he ka senyin hnyekom.

Owisa 19:9

Me ame todrö at he ka he me anyin momo me athnyabainy, me ame ha kâu ûngon a kamen momo, ka habe, Wâ bi ame he but ang ka dit seûno, ö u mokut hmetu ju: wâ bi a he but ka lit ut, mokut ju eang, me me he hnyekom ka senyin; ke öbun e he ka vesâkong me he me o ka hnyi hnyabam.

Owisa 9:27

Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.