Owisa 16:24 - Iaai Bible 1901 (New Caledonia)

²⁴ Ke ame wâ hnen tavat me ödrin e ogânâ khongudrin: anyin a haingödrin, ka habe, Hnen khongutin hna hna iwahnaihmiony mötin ka hnyi hnyamötin a at ame okongo itin hnyei, me hlingâ tavat ae se hia gatin.

Owisa 16:24 ပူးပေါင်းရင်းမြစ်များ

I. Man Ûlabainy Je Than. 10:9

Ke ödrin e uny anyin ûkhaû, me ödrin e hom ban, me omjehen vat me kunâ ka hnyi hnyei iny at Filisiti igigilo, he ka thumeto anyidrin je idola, me tavat.

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Isaia 37:20

Iehova lö, Khonguhmun, walang ang ö u omeli öhmun dö ûnyi gan, me me khana hnen je dokhu hia eang hmeledrany a u thibi Iehova, a hake u ke.

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Daniela 5:4

Adre me ic waina me ogânâ je khong gol me sileva, me bras, me fao, me uto, me veto.

Habakuka 1:16

Anyin a wale, e ame bi hut ka ûten ert, kʼ ame leû utö ae bo so ka ûten ert hlihli; anyin ae pipikhenya jekhon ûnyi gan, ke gan hmâ an jeû.

Deuteronomi 32:27

Ke so bi oge me outen hmönyin anyin iwahnaihmiony, Wâ e nye ca wâhmakhmeto iwahnaihmiöny mödra, Wâ adre nye ha, ka habe, Adre hia but hai hnyamöhmun, Ke Iehova ame ca ânyâ ta je ûnyi hia ang.

Hna Omanenâ 11:10

Ke haba tavat adre me laba eang hmeledrany, me adre me senyin gadru me hobâ; ke adre me he ka ûhamköuâ ta je bwihlany; anyin a li perofeta eling ödru me ovecâ tavat adre me laba eang hmeledrany.

Owisa 15:14

Ke e ame o ka hnyi Lehi, me haba at Filisiti ödrin e iouny mē me kuku kâu: ke ame utut ka hnyi hon hanu Iehova, ke haba li tö hnyi li benyin me helâ me wakunenu adre le ge meic, ke ame ok ut hna ca hnyi li benyin.

Owisa 15:16

Ke haingö Samasona, ka habe, Hnen jeien wainy asina, je hna khon hon je hna khon, Oge hlingâ tavat a khaca thauzan ge jeien wainy asina.

Owisa 15:8

Me e ame kuc ödrin je can me jevan, e gan hmâ hna kuc ödrin, me e ame he me laba hnyi khekheiny kic hnyi Etama.

Owisa 16:25

Ke ame senyin dut je hnyekudrin, me ödrin e ha, ka habe, Hawo Samasona me me ûhiö kötin. Me ödrin e hum Samasona ûnyi hnyi kalebus; me e ame ûhiö ködrin: ke ödrin e otilâ e hnyi wanben je hmolom.

I. Samuela 31:9

Me adre me subâ degecâ ban me uny dut je omjehen vat, me ûkhûnöng ka hnyi hnyei iny at Filisiti hia he ka thumeto hnyi uma umen anyidrin je hnatheat, me ka tavat.