Owisa 16:20 - Iaai Bible 1901 (New Caledonia)

²⁰ Ke e ame ha, ka habe, Samasona at Filisiti but ang. Me e ame hmak dö ûheny hnyi hna mokut, me ha, ka habe, Oge me he ka didrut helâ me je ûen ehac, me inye lilöhlöu but, Ke ca khana a ga hiö Iehova but unyin.

Owisa 16:20 ပူးပေါင်းရင်းမြစ်များ

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Isaia 42:24

Ia hnö Jekob mʼ adre me söh, me Isaraela ka tavat venöu? hawa, ca hnö Iehova? waleji at ate me ânyâ hulo kâu, ke adre me höcö he ka vheno deny je gethen, ke khaca adre me ca long bi anyin ta je hnanyibu.

Hosea 7:9

A hia but ohia hwegien hnen je atkanyua, ke ca khana bi: eke, ûsa khaca but tehûen, ke ca khana bi.

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Mataio 17:16

Ke oge hia but hom e ka lâtâm, ke ca khanʼ ödrin he ka omelö e.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

II. Korinito 3:5

ca ha bi a öhmun hake ûcû he ka ûnykûme ke ûnyi, me ka ûnyi gahmun bi; ke öhmun ûcû a ûnyi ge Khong;

Deuteronomi 32:30

Ama kâmâu at a khaca he ka hnu thauzan, Me okecâ ten thauzan ge li at a lo, Ame ne ca bân anyidra Kic ka ûco degeci ödra, Me hna degeci ödra hnö Iehova?

Josua 7:12

Anyin a wale e ca khana lakon Isaraela he ka tot hnyi hnyimakan je iwahnaihmiony mödrin, ödrin e wia je judrin ka je iwahnaihmiony mödrin, anyin a ödrin e hnaûhango but: ke oge me ca he hmetu ka tha e möbun, öbun e ne ca degec ûnyi adre hake ip unyibun.

Owisa 16:14

Me e ame ohmâ e ge ong fao, me ha kâu, ka habe, Samasona, at Filisiti but ang. Ke e ame hmak dö ûheny hnyi hna mokut, me oc ut ûnyi hnân hwâwâ mano me je tö ame tot.

Owisa 16:19

Me momo ame hawâ e ka mokut me ban hon jevan; me e ame hawâ ke at he ka subâ je ohmuen ban a seven, me e ame hwân he ka hom ûhnyûkongoâ, me ame he but tang hwegien ûnyi gan.

Owisa 16:21

Me ame kât e at Filisiti me ûâ li emakan; me ödrin e hom a Gaza ai, me ca e ge je tö a bras; ke haba hanymen hnyi kalebus me he ka khenyo ta je ûnyi.

Owisa 16:3

Ke haba Samasona ame mokut ke ne o but wanbenset, me ame todrö hnyi wanbenset, me kât li hlinginy homagouleny taun, me li utho-magöulen me tha hom e me li venyainy, me vadren e bon li bajebenyin, me öliâ ka hnyi bucen cicö Heberona.

Owisa 16:9

Ke e hu tavat mokulec e ûnyi hnyi ke hnyeule. Ke e ame ha kâu ka habe, Samasona, at Filisiti but ang. Me e ame thamuâ je tö, helâ me hna thamuâ wakunenu ame kâlâ meic. Ke ca khanʼ ödrin anyin hwege.

I. Samuela 16:14

Me ame hia but he digic Saulo hnen hanu Iehova, me ame ohmakâ e hnen hanu ae kong ûnyi ga Iehova.

I. Samuela 18:10

Ke nyi ame o but kö Saulo hanu ae kong ûnyi ge Kkong, ke e ame perofeta hnyi wanben umen uma: ke Davita ame kokot ge hnyamen helâ me ta je bong: ke e hnyi hnyamö Saulo ö.

I. Samuela 18:12

Ke haba Saulo ame outö Davita anyin a e bi Iehova unyin, ke e hia but unyi Saulo.