Owisa 16:18 - Iaai Bible 1901 (New Caledonia)

¹⁸ Ke a wâ but Delila a ga hia but ha kâu hnyekon hia, me e ame ûkhûnöng he ka hom je thaniny Filisiti, me ha ködrin, ka habe, Ai öbun walang ang, anyin a e ame ha könya hnyekon hia. Me ame o kâu je than Filisiti, ke ödrin e hom mone hnyi je hnyamödrin.

Owisa 16:18 ပူးပေါင်းရင်းမြစ်များ

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

Salamo 62:9

Ta je thatûnyi bi houmonu, ke thoi bi tavat ae ûnyi hnathu: Ödra hâhâ hnyi tulut; Ödra tha hâhâ hon thatûnyi.

Ta je Vejec 18:8

Haba ta je hofuc hwan at ûhaiö, me helâ me je ong jeû ae hnebwia, Ke adre me dit ka hnyi hnyin hnyekon.

Numera 22:7

Me ame he wahingatiny Moaba me wahingatiny Midiana, kʼ ödrin e hom hwaban biobotkong hnyi je hnyamödrin; ke ödrin e o but unyi Balaama, me ha kâu hofuc ho Balaka.

Mataio 26:15

me ha, ka habe, Ieû ke ûnyi öbun e he ka ham könya mʼ inye he ka alecuâ e köbun? Me adre me tuluto me ham kâu ta je mone a thote.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.

Owisa 16:17

Me e ame ha ka momo hnyekon hia, me ha kâu, ka habe, Adre tiga ca ip heleûge ka hnyi hon bök; anyin adre Onazeri nya ka Khong ûnyi hnyi hnyeku bai: ke adre ne giâ bök me ame he ka hia unyik tang hwegiök, me oge me he ka sënyin, helâ me ke at bi.

Owisa 16:19

Me momo ame hawâ e ka mokut me ban hon jevan; me e ame hawâ ke at he ka subâ je ohmuen ban a seven, me e ame hwân he ka hom ûhnyûkongoâ, me ame he but tang hwegien ûnyi gan.

Owisa 16:5

Me ame he ka momo je thaniny at Filisiti, me ha kâu, ka habe, U me he ka ûjengö e, me me khanʼ otin can anyin hwege ae gan, me ohmun e be ka kâmâu he ka hwege hon, me me khanʼ ohmun he ka ca e me hom ûhnyûkongoâ: ke ohmun e he ka ve ham köu je silva a eleven haded.