Owisa 15:19 - Iaai Bible 1901 (New Caledonia)

¹⁹ Me haba Khong ame kia thop a e hnyi Lehi, me ame o köiö ûnyi hnyin: ke e ame ic me ame o hmetu hanon me me möt bi: anyin a wale adre hwenyi ien e me Eni-hakore, ke e hnyi Lehi ke ne o but hnyi bong ang.

Owisa 15:19 ပူးပေါင်းရင်းမြစ်များ

Genese 16:13

Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya?

Genese 28:19

Ke e ame hwenyi ien dok e, me, Bethela: ke Luza ien hnyei e a bân.

Genese 30:30

Anyin ae wakhalet thibi gam ehac ke tiga hiö nya, kʼ ame si gan dut walang ang; ke a hia but Iehova ohnahici u hnyi je deny hia waleji oge wia kâu: ke haba walang ang, oge me he ka penapena hobi kâu anyik lap kehö?

Genese 45:27

Ke ödrin e thumeto e ge ta je ûnyi hia ame ha Josefa ködrin: ke e ame wâ je ûkat a kunâ Josefa hnân taben bi, me ame möt hmetu thö hnyeku Jekob a kamödrin:

Salamo 110:7

E ame he ka ijem wagewe eû hnyi gethen: Anyin a wale, e ame he ka ogöranyâ ban.

Salamo 120:1

HNYI anyik vec oge me hongot kö Iehova, Me e ame thu könya.

Salamo 34:6

Ame hongot dö at eang ame hom vec, kʼ ame long ut Iehova, Me omelo e ûnyi hnyi anyin ta je vec hia thithö.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Esodo 17:15

Ke Mose ame otilâ taben hut me hwenyi ien e Iehova-nisi:

Isaia 40:26

Bwela thʼ öbun goranyai, me wâ, ia op ta je ûnyi e, ke ame su anyidra ta je dö hnyi ûseidra: e ame ve hawâ ta je iödra hia thithö; ke haba hnyi ûganiny maniny man, ke can hwegien ae gan, me ame ca hia bi khaca.

Isaia 40:29

E ame ha hwegien at ae sēnyen, me ham gânâ hwege ka at ae ba maniny.

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Numera 20:11

Ke Mose ame inâ hnyamen goranyai, me olo kot kic ge uci: kʼ ame patrutrua köiö ae gan, me ame ic ûkhacaköu me haledra omeno.

Owisa 15:9

Me ame ölö thö at Filisiti me hunuma hnyi Juda, me avâ Lehi.

I. Samuela 30:12

ke ödrin e han ge û ometâ, me li de wan vine adre hlec meleca; ke e ame han, me ame hmetu hanon: anyin a kun ta bong ke kun ta lit a ca han hnyin me ic.