Owisa 15:14 - Iaai Bible 1901 (New Caledonia)

¹⁴ Ke e ame o ka hnyi Lehi, me haba at Filisiti ödrin e iouny mē me kuku kâu: ke ame utut ka hnyi hon hanu Iehova, ke haba li tö hnyi li benyin me helâ me wakunenu adre le ge meic, ke ame ok ut hna ca hnyi li benyin.

Owisa 15:14 ပူးပေါင်းရင်းမြစ်များ

Jobu 20:5

A e okhulit thibi hna hobâ hnen tavat ae kong, Ke thuthubademak senyin anyin tavat adre me ca ot?

Salamo 118:11

Adre me igigili nya, eke, adre me igigili nya: Hnyi iö Iehova oge me he ka subâ degeci ödra.

Salamo 18:34

E ame nâ li hnyamok he ka vat; Me ame oto cafana bras ge li hnyamok.

Esodo 14:3

Kʼ ame he Farao ka ha ge lakon Isaraela, ka habe, Odra adre me hnok dö hnyi hnyei, kʼ ame sing odra hnen hnyebuba.

Esodo 14:5

Ke adre me thumeto than Aigupito a ga kec ut tavat: me ame wia thö hnyeku Farao me lathnyabainy ka tavat, me haingödrin, ka habe, Ieû hnötin hna ânyâ he ka hna at Isaraela adre me huliwa kötin?

Mika 7:8

Iwahnaihmiony mönya lö, ca he ka senyin huk: iny ka he ka ta, oge me he ka tot hmetu; iny ka laba hnyi menekholom ame he Iehova ka omelami nya.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

Owisa 14:19

Me ame ut hwege hanu Iehova ka hnyi hon, me e ame he Asekelona ai, me kot eling hnyat a thöte me sei ödrin, me ham ka hnyat ödrin e omanenâ hûkehmuen je bwiny khaû. Ke ame ubâhlâ thö anyin hmönyin me e ame he ka hnyi hnyaban kamen.

Owisa 14:6

Me ame o hwegiâ kâu hanu Iehova, me e ame wahai e helâ me hna wahai nokon got, ke ba ûnyi hnyi hnyamen: ke e ame ca thumeto kamen me hinyen ge hnen hna ânyâ.

Owisa 15:13

Ke haingödrin, ka habe, E ba; ke ohmun e he thibi ka cö u, me hnö u ka hnyi hnyamödrin: ke so bi e hnathu a ohmun e ca he ka hlingö u. Me ödrin e ca e ge li tö ae teb ûnyi, me hom e ûnyi hnyi kic.

Owisa 15:9

Me ame ölö thö at Filisiti me hunuma hnyi Juda, me avâ Lehi.

Owisa 16:12

Haba Delila ame hom je tö ae teb ûnyi, me ca e, me ha kâu, ka habe, Samasona at Filisiti but ang. Ke wale je at mokulec, ödrin e laba eû hnyi hnyeule. Me e ame thamuâ je tö ûnyi hnyi li benyin, helâ me ûtö.

Owisa 16:24

Ke ame wâ hnen tavat me ödrin e ogânâ khongudrin: anyin a haingödrin, ka habe, Hnen khongutin hna hna iwahnaihmiony mötin ka hnyi hnyamötin a at ame okongo itin hnyei, me hlingâ tavat ae se hia gatin.

Owisa 16:9

Ke e hu tavat mokulec e ûnyi hnyi ke hnyeule. Ke e ame ha kâu ka habe, Samasona, at Filisiti but ang. Me e ame thamuâ je tö, helâ me hna thamuâ wakunenu ame kâlâ meic. Ke ca khanʼ ödrin anyin hwege.

Owisa 3:10

Ke ame mokut hon at e hanu Iehova, ke e ame owisa ka at Isaraela; ke e ame he ka vat, me haba Iehova ame hnö Kusani-risathaima than Mesopotamia ka hnyi hnyamen: ke e hwege hnyamen hu Kusani-risathaima.

Owisa 5:30

Hawa, e ba wâhnodrin, adre tiga ca khenâ je hna hûgûnâ? Ame ne ûsa khaca hlu ka ke at me ke at, ame ne ûsa lo li hlu; Ke hnân hobi kö Sisera je khauen adre sei ae ve makan, Ae ve makan hna tibet omecin hnyi li hwenöiny, ûnyi hnyi nyin je hna sei?

I. Samuela 10:10

Ke ödru me o eling hnyi dok ae hut, me wâ bi, ame ûkhanö mödru deö perofeta; me ame o hwege hon hanon Khong, me e ame tha perofeta unyidrin.

I. Samuela 10:6

ke ame he ka o hwege hom hanu Iehova, me u me he ka tha perofeta mödrin, ke adre me he ka wiö u helâ me ke at bi.

I. Samuela 11:6

Ke ame o hwege hanon Khong ka hnyi hu Saulo, hnyi ûen e ame long hofuc eling, me ame ubâhlâ gan hmâ anyin hmonyin.

I. Samuela 17:35

me oge me hnu, me kot, me omelö ûnyi hnyi hnyimen: ke e ame tot könya me oge me kât wainy, me kot, me hlingâ.

I. Samuela 4:5

Ke adre me hom tangen ûhihinyköu anyi Iehova ka hnyi hna hunuma me ame kuku gan hmâ at Isaraela hia me ame umet hnyei.