Owisa 14:6 - Iaai Bible 1901 (New Caledonia)

⁶ Me ame o hwegiâ kâu hanu Iehova, me e ame wahai e helâ me hna wahai nokon got, ke ba ûnyi hnyi hnyamen: ke e ame ca thumeto kamen me hinyen ge hnen hna ânyâ.

Owisa 14:6 ပူးပေါင်းရင်းမြစ်များ

Salamo 91:13

U me he ka uto liona me asip: U me he ka uto nak liona me on ge li cam.

Isaia 42:2

E ame ca he ka ha hwegiâ, me fuc goranyai, kʼ ame ca he ka olöngâ ifucin eû hnyi gethen.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Owisa 11:29

Me ame ta but hu Jefetha hanu Iehova, me e ame he hanyâûâ hnyei Gileada, me Manase, me vheno Mizepa hnyi Gileada, ke ûheny Mizepa hnyi Gileada me e ame he ka laku Amona.

Owisa 13:25

Ke ame hwân hanu Iehova he ka huliwan hnyekon hnyi lap anyi Dana, hnyi wanben Zorea me Esetaol.

Owisa 14:19

Me ame ut hwege hanu Iehova ka hnyi hon, me e ame he Asekelona ai, me kot eling hnyat a thöte me sei ödrin, me ham ka hnyat ödrin e omanenâ hûkehmuen je bwiny khaû. Ke ame ubâhlâ thö anyin hmönyin me e ame he ka hnyi hnyaban kamen.

Owisa 14:5

Ke ame tha he Samasona me kamen me hinyen Timenatha ai, me o but hnyi je hnyei vine hnyi Timenatha: ke wâ bi ame kuku kâu nokon liona.

Owisa 14:7

Ke e ame o me ûhnenamö me hlu, ke e so hmonyin kö Samasona.

Owisa 15:15

Me e ame wâ jeien wainy asina a teb ûnyi, me e ame inâ benyin me hom, me kot tavat a khaca thauzan.

Owisa 15:8

Me e ame kuc ödrin je can me jevan, e gan hmâ hna kuc ödrin, me e ame he me laba hnyi khekheiny kic hnyi Etama.

Owisa 16:30

Ke haingö Samasona, ka habe, Oge me he ka tha mok me at Filisiti. Ke e ame nom hnyikânâi me hwegien hia; me ame û but uma, me takoû je than me tavat hia. Ke haba je komok e ame hlingâ hnyi anyin mok me beönua hon je hna hlingâ ke tiga möt.

Owisa 3:10

Ke ame mokut hon at e hanu Iehova, ke e ame owisa ka at Isaraela; ke e ame he ka vat, me haba Iehova ame hnö Kusani-risathaima than Mesopotamia ka hnyi hnyamen: ke e hwege hnyamen hu Kusani-risathaima.

I. Samuela 10:16

Me Saulo ame ha ka ke kamen, ka habe, E ame ha manenâ köhmu a gʼ adre wâ ju je asina. Ke e ame ca omanenâ kâu ge dökhu, waleji a ha Samuela.

I. Samuela 10:6

ke ame he ka o hwege hom hanu Iehova, me u me he ka tha perofeta mödrin, ke adre me he ka wiö u helâ me ke at bi.

I. Samuela 11:6

Ke ame o hwege hanon Khong ka hnyi hu Saulo, hnyi ûen e ame long hofuc eling, me ame ubâhlâ gan hmâ anyin hmonyin.

I. Samuela 14:1

KE haba hnyi ke bong me Jonathana nöku Saulo ame ha ka hidröu, at ame hom tilâ anyin ta je ûnyi hnân vat, ka habe, Ötu he ka lap tue anyin at Filisiti hnyi ke keihen eji. Ke e ame ca thumeto kamen.

I. Samuela 17:46

Ame he Iehova ka hnö u ka hnyi hnyamok hnyi bong ang; ke oge me he ka kuc u me subâ degecâ bâm; ke oge me he ka ham unyin je utbavat anyin at Filisiti ka omeno ame gâ, me omeno a binyin hmeledrany hnyi bong ang; me me he hmeledrany hia ka wâhmakhmeto a e bi Khong unyin at Isaraela: