Owisa 14:5 - Iaai Bible 1901 (New Caledonia)

⁵ Ke ame tha he Samasona me kamen me hinyen Timenatha ai, me o but hnyi je hnyei vine hnyi Timenatha: ke wâ bi ame kuku kâu nokon liona.

Owisa 14:5 ပူးပေါင်းရင်းမြစ်များ

II. Samuela 23:20

Me Benaia nöku Jehoiada, nokon ke at ae hwege hnyi Kabezeela, at ame ânyâ je ûnyi ae gan, e ame hlingâ li laku Ariel at Moaba: ke haba hnyi hunainy kiona, me e ame utut ka hnyi thop me hlingâ liona:

I. Man Ûlabainy Je Than. 11:22

Haba Benaia nöku Jehoiada nokon at ae hwege hnyi Kabezeela, at ame ânyâ je ûnyi ae gan, me e ame kot li laku Ariel a li at Moaba; ke e ame ut ka hnyi op me hlingâ ke liona eû hnyi wanben, wale hnyi ûen ae hu kiona.

Salamo 91:13

U me he ka uto liona me asip: U me he ka uto nak liona me on ge li cam.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,

Josua 15:10

ke ame khenyi hnyigöulen e jio ûheny Baala ka hnyi bucen Seira, ke ame he bala bi ke ne o but hnyi baten bucen Jarim hnyi hwadro (wale Kesalon), ke ame he bala bi Bethe-semes ai me he hnyi gethen deny Timena:

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

Owisa 14:4

Ke ca khana kamen me hinyen a ûnyi ga Iehova e; anyin a e ame heleû can unyin at Filisiti. Ke haba at Filisiti ame muso at Isaraela hnyi ûen eling.

Owisa 14:6

Me ame o hwegiâ kâu hanu Iehova, me e ame wahai e helâ me hna wahai nokon got, ke ba ûnyi hnyi hnyamen: ke e ame ca thumeto kamen me hinyen ge hnen hna ânyâ.

I. Samuela 17:35

me oge me hnu, me kot, me omelö ûnyi hnyi hnyimen: ke e ame tot könya me oge me kât wainy, me kot, me hlingâ.