Owisa 14:4 - Iaai Bible 1901 (New Caledonia)

⁴ Ke ca khana kamen me hinyen a ûnyi ga Iehova e; anyin a e ame heleû can unyin at Filisiti. Ke haba at Filisiti ame muso at Isaraela hnyi ûen eling.

Owisa 14:4 ပူးပေါင်းရင်းမြစ်များ

I. Je Than 12:15

Me ame ca long bi than ka tavat; anyin a ûnyi ga Iehova ûnyi eling, me me ohwâdâ hwan hofuc, waleji ame ha Iehova kö Jeroboama nöku Nebata a deny Ahia at Silo.

I. Je Than 12:24

Walang hna ha hnö Iehova, ka habe. Ca he öbun, ke ca vat bi me je liamekeiny möbun a lakon Isaraela: ve hmetu ju öbun ka hnyi umöbun je uma; anyin a haba ûnyi ang me ûnyi gak. Me adre me long hofuc ho Iehova, me hmetu me vese but, hoton hofuc ho Iehova.

II. Je Than 6:33

Ke e ame tiga ûhnenamö mödrin, wâ bi, ame o but kâu ûthumetu: me e ame ha, ka habe, Wâ bi, ûnyi ga Iehova kong ang; anyin a ieû oge me he ka halubahing Iehova hmetu?

II. Man Ûlabainy Je Than. 10:15

Ke ame ca long bi than ka tavat; anyin a ûnyi ge Khong, me me he Iehova ka ohwâdâ hwan hofuc waleji e ame ha kö Jeroboama nöku Nebata deny Ahia at Silo.

II. Man Ûlabainy Je Than. 22:7

Ke ûnyi ge Khong mok anyi Ahazia, can e ame he kö Jorama: anyin a e ame o but, me e ame tha he me Jorama ka vat me Jehu, nöku Nimesi, at ame hû ga Iehova he ka subâ degecâ lap anyi Ahaba.

II. Man Ûlabainy Je Than. 25:20

Ke ame ca long bi Amazia; anyin a ûnyi ga Iehova mʼ adre me he ka hnʼ ödrin ka hnyi hnyamen ta je iwahnaihmiony mödrin, anyin a ödrin e hia but elâm unyin je khongon Edoma.

Salamo 115:3

Ke ethö hnyi drany Khonguta: A hia but ânyâ hia hnen hna weny.

Daniela 6:4

Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Deuteronomi 28:48

anyin a wale u me he ka bi i athnyabainy je iwahnaihmiony möu tavat ame he Iehova ka kunâ köu, kʼ u mekihnânem, me beic, me he thu, me weny ta je ûnyi hia: kʼ ame he ka ip ûnyi hnân ûhûkâlâköuâ a fao hon nyem, ke ne o but e ame ohiö u.

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.

Owisa 13:1

KE haba lakon Isaraela adre me ânyâ hmetu hwakecin ae kong hnyi hnyimakö Iehova; me Iehova ame hnʼ ödra ka hnyi hnyamen at Filisiti hnyi je huna a fâte.

Owisa 14:5

Ke ame tha he Samasona me kamen me hinyen Timenatha ai, me o but hnyi je hnyei vine hnyi Timenatha: ke wâ bi ame kuku kâu nokon liona.

Owisa 15:11

Me ame he at Juda a ödrin theri thauzan ka hnyi khekheiny kic hnyi Etama, me ha kö Samasona, ka habe, U ma ca wâ a at Filisiti ödrin e musi otin? ieû e u je ânyâ kohmun? Ke haingen, ka habe, Ogo ânyâ ködrin helâ me hnödrin hna ânyâ könya.

Owisa 15:3

Ke haba Samasona ame ha ködrin, ka habe, E ba kongik walang ang, iny ka he ka okongoâ at Filisiti.