Owisa 14:17 - Iaai Bible 1901 (New Caledonia)

¹⁷ Me e ame tenge kâu hnyi je bong a seven hnyi anyidrin bijeû: ke haba hnyi bong a seveniny, me e ame omanenâ kâu bongon, anyin a e ame ûjengoâ: me e ame be bi me omanenâ bongon hûkehmuen ka aten iny hnyei.

Owisa 14:17 ပူးပေါင်းရင်းမြစ်များ

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Jobu 2:9

Haba âiân ame ha kâu, ka habe, Hawa, u me he bala ka hwege hnyi ânyâm wisa? haikongoâ thö Khong, ke mokcu.

Ta je Vejec 7:21

Ke haba momo ame osaûâ e hnen anyin ta je hofuc ae iyawâ, E ame lelö e hnen ûtakûiny li esongodiny.

Jeremia 9:3

Ke adre me lau je bohmödra helâ me anyidra je cafana hnân thoi; ke adre me hwege hnyi hnyei ke ca hnân bi hnathu: anyin adre me ogânâ tilâ anyidra hulo, ke ca khanʼ ödra inya haingö Iehova.

Mika 7:5

Ca labageju ka waem, ca geju bi ka at ame kû gethen: tuö ju hwanumen hnyimâm ge momo at ame mokulec ûlaiâm.

Luka 11:8

Haba inya, oge me ha köbun, ka habe, E ka ca he bi ka tot me ham kâu anyin a e hanen, me e ame he bi ka tot me ham kâu ta je ûnyi hia e ame weny, can a gʼ ame sumâtâ ûjengoâ.

Owisa 14:16

Me öiö Samasona ame tenge kâu me ha, ka habe, U me hûkötiö nya, me ca betenge gak: u je ha hûkehmuen ta tavat aten ik hnyei, ke u je ca omanenâ könya bongon. Ke haingen kâu, ka habe, Wâ bi oge me ca omanenâ bongon kö cica me bai, me oge ma hawa ka omanenâ köu?

Owisa 14:18

Ke haba hnyi bong a seveniny me ame ha kâu aten taun, ke tiga ca dit seûno, ka habe, Ieû ûnyi ae hnebwia hon hani? ke ieû ae hwege hon liona? Me e ame ha ködrin, ka habe, Öbun e ne ca wia kânâ ge halek kau, Me ca khanʼ öbun he ka wâ bongon anyik hûkehmuen,

Owisa 16:13

Ke haba Delila ame ha kö Samasona, ka habe, U je iyawö nya ke ne o but walang ang, ke u je thoi könya: ha thö könya ûnyi hnân cö u. Me e ame ha kâu, ka habe, U je ne he ka tha hwâmâ je obmuök a seven me je tö ame tot.

Owisa 16:16

Ke e ame labö ûjengö hnyi je bong ge hwan hofuc, me huliwa gan, me e ame mok ge hna ûjengö.

Owisa 16:6

Me haba Delila ame ha kö Samasona, ka habe, Ö u me ha thö könya ewa dok ame laba hnyin ânyâm hwege ae gan, me adre me he ka cö u hnen ieû mʼ adre me hom ûhnyûkongu u.