Owisa 13:6 - Iaai Bible 1901 (New Caledonia)

⁶ Ke ame he but momo me thumeto âiân, ka habe, A o könya ka aten Khong, ke helâ hnyimakan me hnyimakan angela anyin Khong hnân outen; ke oge ca hnö dok a mwi hnyin, ke e ame ca ha minya könya ien:

Owisa 13:6 ပူးပေါင်းရင်းမြစ်များ

Genese 18:2

ke e ame bwele me wâ, ke wâ bi ta hnyat a kun ödrin e tot hnyi hnyimakan: ke e ame ö ʼdrin me wadring dö he ka iouny mödrin ûheny hnyi uma mano, me nom ju hnyikânâi,

Genese 32:29

Ke Jekob ame hnö, ka habe, Bethe ha thö könya iâm. Me haingen, ka habe, Ieû gam u me hnö iök? me e ame hahnahicâ e eling.

I. Je Than 17:18

Me haba momo ame ha kö Elia, ka habe, Aten Khong lö, ieû gak köu? u je o könya he ka oûnykûmi nya ge anyik hulö, me he ka hlingâ nokuk!

I. Je Than 17:24

Ke haingen momo kö Elia, ka habe, Walang e khanö nya a u aten Khong, ke e hnathu hofuc ho Iehova hnyi hnyimâm.

II. Je Than 4:16

Me ame ha, ka habe, Cicö ûen ang hnyi huna ame he ka o, me u ma he ka delûâ ke da. Haingen momo, ka habe, Ohe, than a aten Khong u me ca he ka thoi ka athnyabaem.

II. Je Than 4:9

Ke momo ame ha ka âiân, ka habe, Wâ bi e khanö nya a aten Khong ae kap e, at ame labö he eang.

Esodo 3:2

Ke ame manen kâu angela anyi Iehova hnyi bâhlân meic hnyi wanben ûö ae ûdedö: ke ame wâ, me wâ bi, ame hlâ meic hnyi ûö, kʼ ame ca aû but ûö.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Daniela 10:11

Ke e ame ha könya, ka habe, Daniela lö, at adre ti betenge gan, wâhmakhmetoâ thö hofuc oge me ha köu, ke tot wisa thö; anyin adre kunö nya köu: ke a hia but ha könya hofuc eling, me oge me tot öbubuny.

Daniela 10:5

inya oge me bwele me wâ, ke wâ bi at ame khavâ mano lino, ke a oweikâ e ge goliny Ufas:

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Luka 1:19

Haba angela ame thu kâu, ka habe, Inya ang Gaberiela at ame tot hnyi hnyimakan Khong; a khunö nya he ka ha köu, me omanenâ köu ûthumetu eang ae so.

Luka 9:29

Ke e ame tiga hic, me ame ke bongon dut hnyimakan, kʼ ame hau me hadröngöc ûkhaûen.

Ta je huliwa 6:15

Ke haba tavat ûhnenamö hia adre me wâ hmâ e, me wâ hnyimakan, helâ me hnyimakan angela.

Deuteronomi 33:1

KE walang hnahic waleji hnö Mose hna hahnahicâ lakon Isaraela ke tiga ca mok.

I. Timoteo 6:11

Ke haba u, aten Khong lö, kec dö ge ta je ûnyi e; me hnu hoton hwakecin ae wisa, me hwakecin ae ûcû me Khong, me labageju, me ibetengiö, me hok hnyok, me hwakecin ae menyik.

Josua 14:6

Ke ame he laku Juda kö Josua hnyi Gilegala; me ame ha kâu Kaleba nöku Jefune at Kenaza, ka habe, E khatö u ûnyi a ha Iehova kö Mose aten Khong gatu hnyi Kadesi-banea.

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,

Owisa 13:10

Me ame ie wadring momo, me thumeto âiân, me ha kâu, ka habe, Wâ bi, ame manen hmetu könya ateji ame o könya hnyi ke bong.

Owisa 13:22

Me Manoa ame ha ka; âiân, ka habe, Otu me he but ka mok anyin a öte hia but wâ Khong.

Owisa 13:3

Ke ame manen dut angela anyi Iehova ka momo, me ha kâu, ka habe, Wâ bi, u toûnyi walang ang, me ca hnokoâ bi; ke so bi u me he ka erkin, me hnokoâ da.

Owisa 13:7

ke e ame ha könya, ka habe, Wâ bi, u me he ka erkin, me hnokoâ da; ke walang ang u me ca he ka ic waina me grâg, ke ca he bi ka han ûnyi ae kap: anyin ame he ka Nazeri ka Khong wanakat ûnyi hnyi hnyok, ke ne o but bong e ame mokcu.

Owisa 13:8

Ke haba Manoa ame sumatö Iehova, ka habe, Tuhok lö, ö e o hmetu köhmu aten Khong u je kunâ, me me nʼ öhmu ge ûnyi ohmu me he ka ânyâ ka wanakat ame he ka hnokoâ.

Owisa 6:11

Ke ame o but angela anyi Iehova, me laba hmelen iwajo anyi Joasa at Ahiezera hnyi Ofera: ke haba Gideona a nokon ame kokot hwit hnyi hna hlec vine, he ka ikhâlâ e ge at Midiana.

I. Samuela 2:27

Ke ame o ke aten Khong kö Eli, me ha kâu, ka habe, Walang hofuc ho Iehova, ka habe, Hawa, oge manen dut ka lap anyin lakâmâm, ke tiga ödrin bi Aigupito, hnyi hnyaba Farao?

I. Samuela 9:6

Ke haingen kâu, ka habe, Wâ bi, e hu ke aten Khong hnyi taun eang, at ae lung so; ame hwâdâ hia hnen je hna ha: otu Le kâ e; ame ne he ka omanenâ kötu la ge hnötu hna vheno.