Owisa 13:20 - Iaai Bible 1901 (New Caledonia)

²⁰ Ke ame o thö bâhlân ka hnyidranyai ûheny hon tap, me ame ölö thö angela anyi Iehova hnyi bâhlân taben hut: ke a wâ but Manoa me âiân; me ödru me ta ju hnyikânâi.

Owisa 13:20 ပူးပေါင်းရင်းမြစ်များ

Genese 17:3

Ke Aberama ame ta hnyimakan hnyikânâi: ke Khong ame ha hofuc kâu, ka habe,

II. Je Than 2:11

Ke ödru me tiga he, me ûhnenamö, me wâ bi, kariota meic, me je hors meic, wale ame oûsâkâûödruköuödru; ke haba Elia ame ölö hnyi drany ai a deny höu.

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

I. Man Ûlabainy Je Than. 21:21

Kʼ ame tiga he Davita kö Aruna, me Aruna ame bwele me ö Davita; me e ame he ûheny hnyi hna huje hwit, me iyâû hnyikânâi kö Davita.

I. Man Ûlabainy Je Than. 21:26

Haba Davita ame otilâ eling taben hut kö Iehova, me hudo je hudiny leû, me je hudiny ole, me hongot kö Iehova; ke e ame thu kâu ge meic unyi hnyi drany hon taben hut.

Salamo 47:5

Ame ölö thö Khong tha e me hwahongot hwege, Wale Iehova me ifucin trutru.

Ezekiela 1:26

Ke e hnyi hon unyin ae lau ae hnyi hon je bodrin ke ûnyi helâ me theron, helâ me veto safairo; ke ethö hon ûnyi helâ me theron me hu bongon helâ me bongon at ethö hon e.

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Daniela 10:9

Ke so bi oge me long ifucin: he inya oge me tiga long ifucin, me oge me mokut hnying ut, kʼ ame hnyimakök hnyikânâi.

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Mataio 17:6

Ke a long ut laten, me ödrin e ta ju hnyikânâi, me ot gan hmâ.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Owisa 6:19

Ke Gideona ame didro, me penapena nokon got, me areto adre ca levenâ ge tap falawa a khaca efa: ke e ame ip utiö hnyi tangen, me hingâlâ dân meno ka hnyi öt, me hom kâu eû hnyi hmelen iwajo, me ham.

Owisa 6:21

Me haba angela anyi Iehova ame inâ but hnyiban uci hnyi hnyamen, me kâlâ meno me areto adre ca levenâ; me ame o thö meic ûnyi hnyi kic me thong degecâ meno me areto adre ca levenâ; me ame he but angela anyi Iehova, kʼ ame ca wâ bi.