Owisa 12:5 - Iaai Bible 1901 (New Caledonia)

⁵ Ke haba at Gileada ödrin e khaletâ je dok ae cöcö hnyi Joridano, ke tiga bec at Eferaima: ke ame ne ha at Eferaima, tavat adre me kec, ka habe, Hne dek dö he ka hanyâûâ, me haba at Gileada ödrin e ha kâu, ka habe, U at Eferaima? Ke ame ne ha, e ba,

Owisa 12:5 ပူးပေါင်းရင်းမြစ်များ

I. Je Than 11:26

Ke haba Jeroboama nöku Nebata, at Eferaima ûheny Zereda athnyabai Solomona, ke Zeruia ien hinyen, e safac, me e at ame hai hnyamen minya ka than.

Josua 2:7

Ke haba tavat ödrin e wadring hotudru hnyi gethen deny Joridano, ke ne o but hnyi je dok ae cöcö: ke adre me ie hlöng homagöule hwaban hna didrut tavat he ka hnu hotudru.

Josua 22:11

Ke haba lakon Isaraela ödrin e long adre me ha, ka habe, Wâ bi, a hia but otilâ taben hut hnen je laku Reubena, me je laku Gada, me hafiny tribu Manase, cicö hnyei Kanana, hnyi baten Joridano, hnyi ke keihen iny lakon Isaraela.

Owisa 12:4

Ke haba Jefetha ame ûkhacaköuâ tavat hia hnyi Gileada, me vat me Eferaima; ke haba at Gileada ödrin e kot at Eferaima, anyin a ödrin e ha, ka hâbe, Je bâ öbun at Gileada ûheny Eferaima hnyi wanben at Eferaima me Manase.

Owisa 12:6

me haingödrin kâu, ka habe, Bethe ha, ka habe, Shiboleth; me haingen bi, ka habe Siboleth; ke ca khana he ka ha wisa, me ödrin e kât me hlingâ hnyi je dok ae cöcö hnyi Joridano: ke ame ta hnyi ûen eling fâte tu thauzan at Eferaima.

Owisa 17:7

Ke wale ke hidröu ûheny Bethe-leema-juda, hanen lap anyi Juda, ke e at Levi bi, ke e ame laba kanyua eling.

Owisa 3:28

Me e ame ha ködrin, ka habe, Hnu hotuk: anyin Iehova ame hna at Moaba je iwahnaihmiony ka hnyi hnyamöbun. Ke ödrin e utut mē, me tuö je dok ae cöcö hnyi Joridano ûcon at Moaba, ke adre me ca hna ke at a khaca ame he hanyâûâ.

Owisa 7:24

Me haba Gideona ame kunâ je metâ ka hnyi hnyei ae hut hnyi Eferaima hia, me ha, ka habe, Utut öbun ûcon at Midiana me hûgûnâ bânâ wagewe ke ne o but hnyi Bethe-bara, wale Joridano. Me ame ûkhacaköu at Eferaima hia me hûgûnâ wagewe ke ne o but ka hnyi Bethe-bara, wale Joridano.

I. Samuela 1:1

E HU ke at ûheny Ramathaima-sofima unyi hnyi hnyei ae hut hnyi Eferaima, Elekana ien, nöku Jerohama, nöku Elihu, nöku Tohu, nöku Zuf a at Eferaima: