27 Anyin a wale oge me ca okongu u, ke u me ânyâ könya ûnyi ae kong he ka vat mönya: hamö Iehova, At Owisa, he ka owisa ka lakon Isaraela me laku Amona hnyi bong eang.
Ke haingö Sarai kö Aberama, ka habe, Ûnyi gam hna okongu nya: oge ham köu anyik hlu, ke a löng ut a ga erkin dut, me e ame hûkötiö nya: bamö Iehova he ka owisa kötu.
Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?
Khonguhmun lö, u me ca he ka owisa ködrin? anyin ae ba manihmun he ka tot ka tavat ae se hia hmonyin adre me o kohmun; ke ca khanʼ ohmun ke ûnyi he ka anyâ: me ohmun e wâ hmö u.
Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.
Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.
ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.
ke ka hnyi ûkhacaköu ae bekhöt, ke ekalesiainy watö wale adre me sihnalimi ʼdra hnyi drany, ke ka Khong At owisa tavat hia, me ka ta je hanon tavat ae wisa hwakecidra adre obekhötâ,
Adre me he ka oamamâ tavat adre me vat me Iehova; E ame he ka kunâ hendreng kodra ûheny hnyi drany: Ame he Iehova ka owisa je can hmeledrany; Ke e ame he ka ham tang hwege ka than a aten, Me ogöranyâ faoiny meno anyin at e ame osûâ.