Owisa 11:1 - Iaai Bible 1901 (New Caledonia)

¹ ME haba Jefetha at Gileada me at ae hwege, ke e nokon momo hnyi gethen; ke Gileada ame hnöku Jefetha.

Owisa 11:1 ပူးပေါင်းရင်းမြစ်များ

II. Je Than 5:1

HABA Naamana a taben vat anyin than Suria, me e at ae gan unyin tuhan, kʼ adre me ogânâ, anyin a Iehova ame omelö at Suria a deny e; ke e at ae hwege, ke lepera bi.

Heberu 11:32

Ke ieû hmetu oge me he ka ha? anyin ae ca ûcû bi ûen könya he ka haiö Gideona, me Baraka, me Samasona, me Jefetha, me Davita, me Samuela me ta je perofeta:

Owisa 10:18

Haba tavat, a je thaniny Gileada, ödrin e ûhaköuâ, ka habe, Ie at ame he ka bân he ka vat me laku Amona! me e ame he ka taben at Gileada hia thithö.

Owisa 11:2

Ke haba öiö Gileada ame hnokoâ lakon obaga; ke a gan dut obaga lakon âiân, me ödrin e obö Jefetha, me ha kâu, ka habe, U me ca he ka hnyi hu jekhoû hnyi hnyaban kamöhmun, anyin a u nokon ke momo.

Owisa 6:12

Ke ame manen dut kâu angela anyi Iehova, me ha kâu, ka habe, E bi unyâm Iehova, u baga ae hwege.

I. Samuela 12:11

Me haba Iehova ameʼkunö Jerubaala me Bedan, me Jefetha, me Samuela he ka omeli öbun ûnyi hnyi hnyamen je iwahnaihmiony möbun igigilo, ke öbun e laba hnahic ut.