Owisa 10:6 - Iaai Bible 1901 (New Caledonia)

⁶ Ke haba lakon Isaraela adre me ânyâ hmeto bi ûnyi ae kong hnyi hnyimakö Iehova, me bi athnyaba ka je Baala, me Aseira, me je khongon Suria, me je khongon Zidona, me je khongon Moaba, me je khongon laku Amona, me je khongon at Filisiti; ke adre me digic Iehova me ca bi athnyabainy.

Owisa 10:6 ပူးပေါင်းရင်းမြစ်များ

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 11:5

Anyin a Solomona ame hnu hotu Aseira khong momo anyin at Zidona, me Milekoma ae ikiki anyin at Amona.

I. Je Than 11:7

Haba Solomona ame op dok ae görany hobi kö Kemosa ae ikiki anyi Moab, hnyi bucen ae cicö Jerusalema, me hobi kö Moleka at ae ikiki anyin je laku Amona.

I. Je Than 16:31

Ke helâke e hâhâ kâu waleji hnen hna vheno je hulö anyi Jeroboama nöku Nebata, me e minya bi ame hum Jezebela nöku Ethebaala thaniny at Zidona, me âiân, me e ame he me bi athnyaba kö Baala, me khudrung kâu.

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Je Than 23:13

Ke haba je dok ae görany cicö Jerusalema hnyi ke keihen metân buceniny hnaûhango, waleji a ânyâ Solomona than Isaraela hobi kö Aseira ûnyi ae ikiki anyin at Zidona, me hobi kö Kemosa ûnyi ae ikiki anyin at Moaba, me hobi kö Milekoma ûnyi ae ikiki anyin je laku Amona, me haba than ame oikikiâ.

II. Man Ûlabainy Je Than. 28:23

Anyin a e ame bi hut ka je khongon Damaseko, tavat adre kot e: haingen ka habe, Anyin a je khongon je than Suria ödrin e hadruʼ ödrin, ke oge me he ka bi hut ködrin, mʼ ödrin e he ka hadruo nya. Ke so bi ödrin e hangâ e me at Isaraela hia a tha ödrin më.

Salamo 106:36

Ke adre me bi athnyaba ka anyidra je hnatheat; Wale me hnân hnewe kodra:

Isaia 23:4

Zidona lö, hmehma ju: anyin a hia but fuc hnen köiö, haingen hnabâiny köiö, ka habe, A ca vec hnyekuk, me hnokoâ, ke oge me ca hat je hidröu, me tuö wahlu.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Ezekiela 27:16

Ame ûco gam Suria, anyin ae se hia hnâm je hna huliwa; kʼ adre me ûco hnyi ânyâm je hna ûcû je semerado, ke mano ae udrudrâ hlit, ke ûkhaû adre me tibet omecâ, ke mano lino, ke waji, ke veto ae dra vec.

Deuteronomi 13:6

Ame ne alecuâ duöngi u hnen liamekeiny mou a nokon hinyâm, kʼ ame ne nokom baga me hlu, kʼ ame ne âiâm, kʼ ame ne waem at u me hnyokâ, ke haingen, ka habe, E so otu me he ka bi athnyabainy ke je khong ae ca khanö u me lakâmâm;

Deuteronomi 13:8

u me ca he ka ogâ kâu, me löng kâu; ke haba khaca, u me ca he ka betenge gan, me hna, ke u me ca he ka ikhâlâ:

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Josua 13:31

me hafiny Gileada, me Aseterotha, me Ederei, a je tauniny dökhu dökhu Oga hnyi Basana, hnân hobi kâu je laku Makir nöku Manase, hobi kâu ke hafiny laku Makir hoton anyidrin je lap.

Owisa 10:5

Ke ame mokcu Jaira, me adre me konâm e hnyi Kamon.

Owisa 11:24

Hawa, u me ca he ka labā hnyei a ham köu he ka labā ga Kemosa a khongom? Me haba ohmun, me ohmun e he ka hom iny tavat hia waleji a obâ Iehova Khonguhmun hnyi hnyimaköhmun.

Owisa 13:1

KE haba lakon Isaraela adre me ânyâ hmetu hwakecin ae kong hnyi hnyimakö Iehova; me Iehova ame hnʼ ödra ka hnyi hnyamen at Filisiti hnyi je huna a fâte.

Owisa 16:23

Ke haba je tuhan at Filisiti ödrin e ûkhacaköu he ka hudo hut ae gan kö Dagona a khongudrin, me he ka senyin: anyin a haingödrin, ka habe, a hia but khongutin hnö Samasona a iwahnaihmiony mötin ka hnyi hnyamötin.

Owisa 3:7

Ke haba lakon Isaraela adre me ânyâ hulö hnyi hnyimakö Iehova, me hnying Iehova Khongudrin, me bi athnyabainy je Baala me je Aseira.

Owisa 4:1

KE haba lakon Isaraela adre me ânyâ hmetoâ ûnyi ae kong hnyi hnyimakö Iehova, ke a mokcu Ehuda.

Owisa 6:1

KE haba lakon Isaraela adre me ânyâ ûnyi ae kong hnyi hnyimakö Iehova: me Iehova ame hnʼ ödra ka hnyi hnyamen at Midiana hnyi je huna a seven.

Owisa 8:33

Ke ame mokcu Gideona, me ame hmetu lakon Isaraela, me bi ûnyi monu me je Baala, me wiö Baala-berith me me khongudrin.

I. Samuela 5:2

Ke at Filisiti adre me hom tang tangen Khong me vadren ka hnyi uma umo Dagona, me ip e unyi Dagona.