Owisa 10:16 - Iaai Bible 1901 (New Caledonia)

¹⁶ Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.

Owisa 10:16 ပူးပေါင်းရင်းမြစ်များ

Genese 6:6

Ke Iehova ame ietra a gʼ ame hia but op at eang hmelen, ke e hmak ut hnyekon.

II. Je Than 13:23

Ke haba Iehova ame betenge gadrin, me hmak gadrin, me ö drin, can anyin ûhibinyköu me Aberahama, me Isaaka, me Jekob; ke ca weny bi he ka ohiʼ ödrin, me digic ödrin bala ûnyi hnyi hnyimakan.

II. Man Ûlabainy Je Than. 15:8

Ke a hia but Asa long je hofuc eling, me hna perofeta hnö Oded a perofeta, me e ame hwege me ohia ta je ûnyi ae ikiki ûnyi hnyi hnyei Juda me Beniamina hia, me je taun e ame hûgûnâ hnyi hnyei ae hut hnyi Eferaima; ke a ame ânyâwia taben hut anyi Iehova, cicö poretiko anyi Iehova.

II. Man Ûlabainy Je Than. 33:15

Ke e ame hom degecâ je khong kanyua, me idola ûnyi hnyi uma umö Iehova, me je taben hut hia waleji e ame op hnyi buceniny uma umö Iehova, me hnyi Jerusalema, me khûʼ ödrin ka hnyi hoton taun.

II. Man Ûlabainy Je Than. 7:14

ke e ka he lakeik, hnyat adre ip iök hudrin, ka oûhnyûkongu ödrin bi, me hic, me elâm hnyimakök, me hmetu ûnyi hnyi dedrin je gethen ae kong; awe, oge me he ka long hnyi drany, me hna anyidrin monu, me osoâ idrin hnyei.

Salamo 73:21

Anyin ame hiny dut hnyekuk, Kʼ adre me dâ li jebalainuk:

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Luka 15:20

Me e ame tot, me he ka kamen. Ke kamen ame wâ, ke tiga sâkâû, me e ame betenge gan, me wadring, me ta ju hon nyin, me ûcimhnyimak mē.

Luka 19:41

E hakekeny jut, kʼ ame wâ taun, me e ame tenge gan,

Ioane 11:34

me ha, ka habe, Ewa dok öbun e ip e hnyin? Haingödra kâu, ka habe, Than lö, aiö u ka wâ.

Efeso 4:32

ke so öbun e ibe-tengiököu, ke ûhnyokköu, ke ûhnasoâköu, helâ me hnen Khong hna hna soi öbun ge Keriso.

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Heberu 3:10

Anyin a wale e hmak hnyekuk ge dö eling, Haingök, ka habe, Odra monu bala eû i hnyi hnyok: Ke ca khanʼ ödra dek ta je gethen;

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Josua 24:23

Anyin a wale he thʼ öbun walang ang ka hna degecâ but je kong kanyua uny Ibun, me hna je hnyekubun kö Iehova, Khongu Isaraela.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,

I. Samuela 12:10

Ke ödrin e tenge kö Iehova me ha, ka habe, Ohmun e hia but monu, anyin a ohmun e hia but hna degeci Iehova, me bi athnyaba ka je Baala, me Aseira: ke u me he walang ang ka omeli ohmun ûnyi hnyi hnyamen je iwahnaihmiony möhmun, mʼ ohmun e he ka bi athnyabaem.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.

I. Samuela 7:4

Me haba lakon Isaraela ödrin e degec je Baala me Aseira, me bi athnyaba thibi kö Iehova.