Owisa 10:15 - Iaai Bible 1901 (New Caledonia)

¹⁵ Haba lakon Isaraela ödrin e ha kö Iehova, ka habe, Ohmun e ânyâ hwakecin ae kong, hamâm he ka ânyâ hia kohmun ûnyi ae so köu; ke so bi ö u omeli ohmun thibi hnyi bong ang.

Owisa 10:15 ပူးပေါင်းရင်းမြစ်များ

II. Samuela 10:12

Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

II. Samuela 12:13

Haba Davita ame ha kö Nathana, ka habe, Oge hia but ânyâ hulö kö Iehova. Ke haingö Nathana kö Davita, ka habe, Iehova ame hia but ohia minya ânyâm hulö; u me ca he ka mok.

II. Samuela 15:26

ke ame ne ha, ka habe, Oge me ca senyin gam; awe walönya ang, hamen he ka ânyâ könya unyi ae so hnyi hnyimakan.

II. Samuela 24:10

Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

II. Samuela 24:14

Haba Davita ame ha kö Gada, ka habe, E gan hma hlohlo gak: e so ate me ta walang ang ka hnyi hnyamö Iehova; anyin ae gan hmâ anyin ta je ibetengiö: ke ca he bi nya ka ta ka hnyi hnyamen at.

Jobu 33:27

E ame khumöng hnyi hnyimakan tavat, ka habe, Oge hia but ânyâ hulö, me hanyâûâ ûnyi ae wisa, Ke ba troban könya:

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Jona 2:4

Me haingök, ka habe, Adre me hota degeci nya ûnyi hnyi hnyimâkâm; Ke so bi, oge me he hmetu ka bwele ka hnyi umâm uma ae kap.

Jona 3:9

E khanö ia, ame ne he Khong ka hwio me ietra, me degec anyin hmonyin ae gan, mʼ ate me ca he ka mok?

Josua 9:25

Ke haba walang ang wâ bi öhmun ang hnyi hnyamâm: ânyâ thö kohmun helâ me u je ûnykûme so me wisa he ka ânyâ.

I. Samuela 12:10

Ke ödrin e tenge kö Iehova me ha, ka habe, Ohmun e hia but monu, anyin a ohmun e hia but hna degeci Iehova, me bi athnyaba ka je Baala, me Aseira: ke u me he walang ang ka omeli ohmun ûnyi hnyi hnyamen je iwahnaihmiony möhmun, mʼ ohmun e he ka bi athnyabaem.

I. Samuela 3:18

Ke Samuela ame thumeto ge ta je ûnyi hia, ke ame ca ikhâlâ gan khaca. Ke haingen, ka habe, E bi Iehova, hamen he ka ânyâ ûnyi ae so hnyi hnyimakan.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.