Owisa 10:13 - Iaai Bible 1901 (New Caledonia)

¹³ Ke öbun e digic nya bi, me bi athnyaba ka je khong: anyin a wale oge me ca he hmetu ka omeli öbun.

Owisa 10:13 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 12:5

Haba Semaia a perofeta ame o kö Reoboama, me je taben hnyi Juda a hnyat ûkhacaköu hnyi Jerusalema ga Sisaka, me ha ködrin, ka habe, Walang hna ha hnö Jehova, ka habe, Öbun e hia but digic nya, anyin a wale oge hia but hna degeci öbun bi ka hnyi hnyamö Sisaka.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

II. Man Ûlabainy Je Than. 21:10

Me haba at Edoma ödrin e hna degecâ at Juda ke ne o but hnyi bong ang: ke haba at Libena ödrin e hna degecâ a hnyi ûen minya e: anyin a e ame digic Iehova Khongon lakamen.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jona 2:8

Haba tavat adre me hnyok ka ta je ûnyi ae ûnyi baû me thoi, Me adre me degec hing betenge kodra bi.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Owisa 10:14

He thʼ öbun ka tenge ka je khong öbun e ûca; hamödrin he ke omeli öbun hnyi ûen hna sedʼ öbun.

Owisa 2:12

Ke ödrin e hna degeci Iehova Khongon lakamödrin, at a hum ödrin ûheny hnyi hnyei Aigupito, me hnu hoton ke je khong, je khongon je hnyei igigili ödrin, me khudrung ködrin: ke ödrin e okûâ hmonyin anyi Iehova.

Owisa 2:19

Ke a mokcu at owisa, me Ödrin e hmetu me okongu ödrin bi hon hwakecin lakamödra me hnu hoton je khong me bi athnyabaidrin me khudrung ködrin; ke adre me ca degec anyidrin je huliwa me hwakecidrin ae ûjöng.