Owisa 1:20 - Iaai Bible 1901 (New Caledonia)

²⁰ Ke adre me ham Heberona kö Kaleba, helâji me Mose ame ha: ke e ame obâ ûheny e laku Anaka a kun.

Owisa 1:20 ပူးပေါင်းရင်းမြစ်များ

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Numera 14:24

ke haba athnyabaik a Kaleba, anyin a e at ae ke hnyekon, ke e ame tha löng hotuk, awe oge me he ka hom e ka hnyi hnyei wale a mwi hnyin; kʼ ame he je mâtrâniny ka hu e.

Deuteronomi 1:36

ke so thibi Kaleba nöku Jefune, e ame he ka wâ e; ke oge me he ka ham kâu hnyei waleji a mwi hnyin me je mâtrâniny: anyin a e ame löng bekhötâ hotu Iehova.

Josua 10:36

Ke Josua ame tha he me at Isaraela hia thithö ûheny Egelona, Heberona ai, me vat mē:

Josua 11:21

Ke ame o Josua hnyi ûen eling, me subâ degecâ at Anaka walʼ ödrin hnyi hnyei ae hut, hwân Heberona, me Debira, me Anabi, me hnyei ae hut hia hnyi Juda, me hnyei minya ae hut hia hnyi Isaraela: haba Josua ame ti ohiʼ ödra me anyidrin je taun.

Josua 14:15

Ke haba ien Heberona ehac me Kiriath-areba; haba Areba eling me wale at ae beönua unyin at Anaka. Kʼ ame menâ hnyei ke ba vat.

Owisa 1:10

Ke Juda ame he ka at Kanana adre me laba hnyi Heberona: (ke haba ien Heberona ehac me Kiriath-areba:) me odrin e kot Sesai, me Ahiman, me Talemai.