Owisa 1:16 - Iaai Bible 1901 (New Caledonia)

¹⁶ Ke haba lakon at Keni a ûngû Mose, odrin e tha he me laku Juda ûheny hnyi tauniny je ûö pama ka hnyi hnyebuba anyi Juda, hnyi ke keihen Arada ka hnyi hwaiöu; ke odrin e he me tha laba me tavat.

Owisa 1:16 ပူးပေါင်းရင်းမြစ်များ

I. Man Ûlabainy Je Than. 2:15

me Ozema a siksiny, me Davita a seveniny:

I. Man Ûlabainy Je Than. 2:55

Me je lap anyin tavat sihnalimen adre me laba hnyi Jabez; at Tira, me Simea, me at Suka. Wale at Keni waleji adre me o ûnyi ga Hamath, kamen lap anyi Rekaba.

II. Man Ûlabainy Je Than. 28:16

Ke haba hnyi ûen eling Ahaza than ame ûkhûnöng ka je than Asuria he ka hadruâ e.

Esodo 18:1

KE a wâ but Jethero at bihut e Midiana, ûngu Mose, ta je ûnyi hia Khong ame ânyâ hobi kö Mose, me at Isaraela a lakeiny, waleji a Iehova ame hom at Isaraela ûheny Aigupito.

Esodo 18:12

Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 18:27

Ke haba Mose ame hna but ûngon; kʼ ame he ka hnyi iny hnyei.

Esodo 18:7

Ke haba Mose ame he ka ûkhanö me ûngon, me nom kâu, me ûcumhnyimak me; kʼ ödru me ûhnököuâ li ve bongudru, kʼ ödru me didrö ka hnyin uma ʼmano.

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Esodo 4:18

Ke haba Mose ame he hmetu kö Jethero a ûngon, me ha kâu, ka habe, Ō u hnö nya but he ka he hmetu Aigupito ai ka je liamekeiny mönya he ka wâ, hawa ödrin e ne möt. Ke haingö Jethero kö Mose, ka habe, He thö me hnahic.

Jeremia 35:2

He thö ka hnyi lap anyi Rekaba, me ûhnenamö mödra, me hum ödra ka hnyi uma umö Iehova, ka hnyi ke hnyeule, me habelidra ge waina.

Numera 21:1

KE haba thaniny Arada at Kanana, at ame laba hnyi Hwaiöu, ame löng a gʼ ame o but at Isaraela a gethen deny Atharima, me e ame vat me at Isaraela, me hom hwenbâ keihen gadra.

Mataio 3:1

HNYI je bong eling ame o thö Ioane Bapataiso kʼ ame khetâ hofuc hnyi hnyebuba hnyi Juda,

Deuteronomi 34:3

me Hwaiöu, me Dok ae tha hon hnyi hnyigöulen bucen e Jeriko, tauniny je ûö pama, ke ne o but Zoara.

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Josua 12:14

than Horema, khaca; than Arada, khaca;

Josua 18:21

Ke walang je taun anyin je tribuiny laku Beniamina hoton anyidrin je lap, Jeriko, me Beth-ogela, me Emeka-Keziz;

Owisa 1:15

Ke haingen, ka habe, Ham but könya hnahic; u je hia but ham könya hnyei ka hnyi Hwaiöu, anyin a wale ö u ham könya je an ame pupua. Me Kaleba ame ham kâu je an ame pupua walethö me eû.

Owisa 3:13

Me e ame ûkhacaköuâ bi kâu laku Amona me Amabeka; me e ame he me kot Isaraela, me hûgûnâ tauniny je ûö pama.

Owisa 4:11

Ke haba Heberu at Keni ame ûsâkâûö me at Keni ehac, wale laku Hobaba ûngu Mose, ke e ame otilâ umen uma mano hnyi iwajo hnyi Zananim, hnyi baten Kadesi.

Owisa 4:17

Ke so bi haba Sisera ame kec hon kânâ ka hnyi uma mano umo Jaela öiö Heberu at Keni: anyin ame laba so Jabin than Hazora, me lap anyi Heberu at Keni.

I. Samuela 15:6

Ke haba Saulo ame ba ka at Keni, ka habe, E, kec dö öbun, utut ge at Amaleka, wâ oge ne he ka tha ohiʼ öbun mödrin: anyin a öbun e betenge ge lakon Isaraela hia waleji hnyi ûhedrin jem ûheny Aigupito. Me ame he but at Keni ge at Amaleka.

I. Samuela 27:10

Haba Akisa ame ha, ka habe, Ie hnyei öbun e kot hnyi bong ang? Me ame thu Davita, ka habe, Ûhehmun hnyi ke keihen Juda ka hnyi hwaiöu, me Jeramela ka hnyi hwaiöu, me Keni ka hnyi hwaiöu.

I. Samuela 30:29

me ködrin hnyi Rakal, me ödrin hnyi je taun anyin at Jeramela, me ödrin hnyi je taun anyin at Keni;