Numera 9:20 - Iaai Bible 1901 (New Caledonia)

²⁰ Ke haba hnyi ke je ûen, me ame laba ûlâ hon uma mano hnyi je bong ae wakhalet; me ödra adre me hunuma bala hoton hna hûna hnö Iehova, ke adre me he hoton hna hûna hnö Iehova.

Numera 9:20 ပူးပေါင်းရင်းမြစ်များ

Salamo 48:14

Anyin a haba Khong ang me Khonguta nyiele nyiele balua: E ame he ka su ota ke ne o but hnyi mok.

Ta je Vejec 3:5

Labageju thö kö Iehova ge hnyekom ae bekhot, Ke ca labageju bi ka hnâm hna wâ ûnykûme:

Ta je Vejec 3:6

Ûnykûme ju kâu hnyi dem ta je gethen hia, Me e ame he ka owisa dem ta je gethen.

Numera 10:13

Ke adre me bân ka he ûnyi hnyi musi anyi Iehova, a deny Mose.

Numera 9:18

Haba lakon Isaraela adre me he hnyi ûen Iehova ame hûna, kʼ adre me hunuma hnyi ûen e ame hûna: haba hnyi ta je bong hia wale ûlâ ame laba hon uma mano, me adre me laba.

Numera 9:19

Ke ame ne laba ûlâ hon uma mano hnyi je bong ae se, me haba lakon Isaraela adre me tuö hna otilâ hnö Iehova, kʼ adre me ca he bi.

Numera 9:21

Ke haba hnyi ke je bong me ame laba ûlâ hwân hnyi sahac ke ne o but hnyomakatu; ke ödra ka kap goranyai ûlâ hnyi hnyomakatu, me adre me he: kʼ ame ne lany, kʼ ame ne lit, hnyi ûen adre me hom goranyai ûlâ, me adre me he.

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.