Numera 6:20 - Iaai Bible 1901 (New Caledonia)

²⁰ ke ame he at bihut ka hajijingâ je ûnyi e hnân hudiny hajijing hnyi hnyimakö Iehova; wale ûnyi ae kap hobi kâu at bihut, tha e me ûlainy hajijing, me benyin hnân kap goranyai: ke hwaban e, e khana at Nazeri he ka ic waina.

Numera 6:20 ပူးပေါင်းရင်းမြစ်များ

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Levitiko 10:15

Hamödra he ka hom jevan adre ogöranyâ, me ûlainy adre hajijingâ tha e me pipikhenya wale hut a an hnen meic, he ka hajijingâ hnân hudiny hajijing hnyi hnyimakö Iehova: a âm, me an li lakom a tha ödru mou, me wale hnanyibu nyiele balua; helâ me hna hûna hnö Iehova.

Levitiko 23:11

ke e ame he ka hajijingâ thi hwit hnyi hnyimakö Iehova, me me kap soi öbun hnyin; haba at bihut ame he ka hajijingâ e bong nyi hwaban sabath.

Levitiko 7:30

e ame he ka hom ge li hnyamen je hut a an ge meic kö Iehova, a pipikhenyainy, me ûlainy, e ame he ka hom, me me hajijingâ ûlainy hnân hudiny hajijingâ hnyi hnyimakö Iehova.

Levitiko 7:31

Ke ame he at bihut he ka le pipikhenyainy hon taben hut: ke haba ûlainy me ö Arona me lakon.

Levitiko 7:32

Ke öbun e he ka ham ka at bihut jevan a metâ hnân hudiny kap goranyai ûnyi hnyi anyibun je hut ole.

Levitiko 7:34

Anyin oge me kap ûnyi ge lakon Isaraela ûlainy hajijingâ me jevan hnân kap goranyai ûnyi hnyi anyidra je hut ole, me ham ûnyi e kö Arona at bihut me lakon me me hwajekhöûdrin nyiele balua ûnyi ge lakon Isaraela.

Levitiko 9:21

ke haba ûlainy me jevan a metâ, me Arona ame hajijingâ hnân hudiny hajijing hnyi hnyimakö Iehova, helâ me hna hûna hnö Mose.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Zakaria 9:15

Ame be Iehova tuhan sabaoth ka sing ödra; ke adre me he ka han me uto je veto adre kûlûec; ke adre me he ka ic me mede helâ me tavat adre ic waina: ke adre me he ka unöngöt helâ me kaia, me helâ me je kopiny taben hut.

Zakaria 9:17

Anyin ae ti gan hmâ anyin so, ke ti gan hmâ anyin hmanenang! ame he ka sot wahidröu ge hwit, ke wahlu minya ge waina.

Numera 18:18

Ke haba utiöidrin me ânyâm, helâ me ûlainy hajijing, me helâ me jevan a metâ, a hnân hobi köu.

Numera 5:25

Ke ame he at bihut he ka hom hudiny ciâ ûnyi hnyi hnyamen momo, me hajijingâ hut eling hnyi hnyimakö Iehova, me hom ka hnyi taben hut:

Numera 6:21

Wale hnanyibuiny at Nazeri at ame ip khöbi, me anyin hut kö Iehova hnyi hnen hna okabâ e, me ke je ûnyi ame ne hu gan: e ame he ka ânyâ hoton hnanyibuiny hnen hna okabâ, helâ me anyin khöbi wale hnyi hnen hna bi khöbi.

Mataio 26:29

Ke inya oge me ha köbun, ka habe, oge me ca he hmetu ka hnyi ijem wan vine eang, ke ne o but hnyi bong oge me he ka tha ijem mʼ öbun hnyi dökhu dokhon Kamök.

Mareko 14:25

E hnathu inya oge me ha köbun, ka habe. Oge me ca he hmetu, ka hnyi ijem wan vine, ke ne o but oge me be ka ijem a teb ûnyi hnyi dökhu dokhon Khong.

Ioane 19:30

A hia but Iesu kap vinega, me e ame ha, ka habe, A um dö: me e ame khudrung ju, me hna but hanon.