Numera 35:34 - Iaai Bible 1901 (New Caledonia)

³⁴ Ke ca he öbun ka okongoâ hnyei öbun e laba hnyin, ke inya oge me laba hynin: anyin a inya Iehova oge me laba hnyi wanben lakon Isaraela.

Numera 35:34 ပူးပေါင်းရင်းမြစ်များ

I. Je Than 6:13

Ke oge me he ka laba unyin lakon Isaraela, ke oge me ca he ka hna degecâ lakeik a at Isaraela.

Salamo 132:14

Wale thibi e hnok hna menâ nyiele balua: Oge me he ka labâ e; anyin oge wek e.

Salamo 135:21

E so adre haisoi Iehova ûheny Ziona, At ame laba hnyi Jerusalema. Oganö Ja thʼ öbun.

Esodo 25:8

Kʼ adre me he ka ânyâ hobi könya dok ae kap; mʼ inye he ka laba unyidra.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Ezekiela 35:10

Anyin a u je ha, ka habe, Ame he ka ik bi li aten hnyei ang a lo me li hnyei ang a lo, ke ohmun e he ka labâ e; ke so bi waleji eling Iehova:

Hosea 9:3

Adre me ca he ka labâ hnyei i Iehova; he ame he Eferaima ka hmetu Aigupito ai, me an je meno ae ikiki hnyi Asuria.

Numera 16:3

ke ödrin e ûkhacaköu kö Mose me Arona, me ha ködru, ka habe, Öbu me bi gan, anyin ae tha kap ûkhacaköu hia a ke at me ke at, ke e unyidra Iehova: anyin a wale ieû gabu öbu me ogöranyi öbu bi hon ûkhacaköu hia anyi Iehova?

Numera 5:3

öbun e he ka kunâ obaga me omomo, bamöbun he ka kunʼ ödrin ka hnyi hoton je hnyaba; wâ ödra nye obokongâʼ öbun, a hnyei oge me laba hnyin.

Deuteronomi 21:23

kʼ ame ca he ka hnen unyin hon ûö hnyi hnyinghet, ke u me he ka konâm e hnyi bong eling; anyin a hnaûhangö ka Khong at adre uhno; me u me ca he ka okongoâ kânâm kânâ hnö Iehova Khongom hna ham köu me em.

Deuteronomi 21:8

Iehova lö, thang monu anyin em hnyei Isaraela waleji u je omelö, ke u me ca he ka ip dra ae ba hulöiny he ka laba hnyi em hnyei a at Isaraela. Me adre me he ka hnʼ ödrin dut ge dra.

Deuteronomi 6:15

anyin a haba Iehova Khongom unyâm, me, Khong ame ciâ; wâ e nye ubâhlâ hmönvin anyi Iehova Khongom köu, ke e ame ohiö u but ûnji hnyi hon kânâ.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin: