Numera 35:19 - Iaai Bible 1901 (New Caledonia)

¹⁹ Ke hamen at bi hwaban komok he ka hlingâ at ûhlingö: e ka ûkhanö mê e ame he ka hlingâ.

Numera 35:19 ပူးပေါင်းရင်းမြစ်များ

Genese 4:14

Wâ bi u je hia but obö nya hnyi bong ang ûnyi hnyi hon kânâ: ke oge me he ka iyong ut hnyimâkâm; ke oge me he bi nya ka at baû me he monu eang hmelen; wale mʼ adre me he ka hlingö nya hnen tavat hia adre me he ka ō nya.

II. Samuela 14:11

Me haingen momo, ka habe Ö u unykûme than Iehova Khongom, me me ca he hmetu at ame bi hwaban komok ka bi hwaban bi, wâ ödrin nye he ka ohia nökuk. Me e ame ha ka momo, ka habe, Kia inya Iehova ame ca he ka kolu hnyikânâi ke leûnen ban nokom.

II. Samuela 14:7

Ke wâ bi, ame tha todrö lap hia könya athnyabaem, ke haingödrin dö, ka habe, Hna but at a hlingâ liamekeiny mē, mʼ öhmun e he ka hlingâ e can möt anyin liamekeiny mē, waleji e ame hlingâ, me ohia minya helâe at ame he ka tren ta je omjeû u ka mok bi: he haba helâe me ödrin e he ka omoko walep a kolon unyik, me me ba but ien me kolon ka öiök eang hmeledrany.

II. Samuela 3:27

Ke ame hia hmetu Abinera Heberona ai, me haba Joab ame tha saû but mē hnyi homagöule he ka ûhnenamö duöng, me ame dâ e eling hnyi hnyekon, me ame mokcu, can drö Asael liamekeiny mē.

II. Samuela 3:30

Ke Joab me Abisai liamekeiny mē ödru me hlingö Abinera, can e ame hlingö Asael liamekeiny mödru hnyi Gibeona hnyi vat.

Numera 35:12

Haba je taun eling me hnân kec ka hnyin can at ame he ka bi hwaban; me me ca he ka mok at ûhlingö kʼ adre tiga ca lelö e ka hnyi hnyimakan ûkhacaköu he ka owisa e.

Numera 35:18

Ke ame ne kot e ge uto hnyi hnyamen, a ûnyi hnân hlingâ at, me ame mokcu, awe, at ûhlingö e; ke adre me he ka hlingâ at ûhlingö.

Numera 35:20

Ke ame ne dâ e hnyi hnen hna hûkötiâ, kʼ ame ne mokut iyâûâ me lûâ, me me mokcu;

Numera 35:21

kʼ ame ne kot e ge hnyamen hnyi hmönyin, me me mokcu: me adre he bi ka hlingâ at a ûkhulup; at ûhlingö e: kʼ ame he at a bi hwaban komok ka hlingâ at ûhlingö, e ka ûkhanö mē.

Numera 35:24

awe, ame he ûkhacaköu ka owisa gadru, a at hlingâ at, me at ame bi hwaban komok, hoton je hna owisa eang:

Numera 35:27

kʼ ame ne wâ e hnen at ame bi hwaban komok hnyi hoton hnyiʼ göulen tauniny lubaduöng, kʼ ame ne hlingâ at ûhlingö hnen at ame bi hwaban komok, awe, e ame ca he ka hulö ge dren:

Deuteronomi 19:12

awe, ame he wahingatiny anyin taun ka ûkhûnöng he ka hom e ûheny e, me hna e ka at ame bi hwaban komok, me me mokcu.

Deuteronomi 19:6

wâ e nye hnu at ame hlingâ at ge at ame bi hwaban komok, e ka tiga hmönyin hnyekon, me kât e, anyin ae sâkâû gethen, me ame kot moko e; ke ca ûcû kâu he ka mok, anyin a e ame ca hûkötiâ ehac.

Josua 20:3

me me kec ka hnyin at ame hlingâ at, wale a hlingâ at kʼ ame utöteta ke ca khana: ke haba je dok e me hnân lubaduöng hnyin hobi köbun ûnyi ge at ame bi hwaban komok.

Josua 20:5

Ke ame ne hnu hoton e ge at ame bi hwaban komok, me ödrin e ca he ka hna kâu at ame hlingâ at; anyin a e ame kot ke at ke ca khana bi, kʼ ame ca hûkötiâ ehac.

Owisa 8:19

Me e ame ha, ka habe, Je liamekeiny mönya ödrin, a tha hinyöhmun; kia inya Iehova, öbe ne omeli ödrin, me oge me ca he bi ngâ ka hlingʼ öbu.