Numera 32:5 - Iaai Bible 1901 (New Caledonia)

⁵ Ke ödrin e ha, ka habe, U je ne betenge gahmun, ö u hna hnyei eling köhmun a lathnyabaem, me ihmun; ke ca hum ohmun bi he ka hanyâûâ Joridano.

Numera 32:5 ပူးပေါင်းရင်းမြစ်များ

Genese 19:19

me wâ ju a hia but athnyabaem wâ ibetengiö baû hnyi hnyimâkâm, ke u je hia but ogânâ ânyâm ibetengiö, wale u je omanenâ könya me me omeli nya but; ke ca khanö nya he ka kec ka hnyi bucen, wâ e nye hom tilö nya hnen kong, mʼ iny mokcu:

II. Samuela 14:22

Haba Joab ame ta hnyikânâi me khudrung, me ha hnahicâ than: ke Joab ame ha, ka habe, A wâ but athnyabaem hnyi bong ang a oge me wâ ibetengiö hnyi hnyimâkâm than lö a tuhok, anyin a than ame kap hofuc hwan athnyabainy.

Esetera 5:2

Ke than ame o Esetera momo than ame tot hnyi hnyeule, ke e ame hnyok kâu: me haba than ame inâ kö Esetera uci gol ae hnyi hnyamen. Me Esetera ame hakekeny dö, me kâlâ hnyi ban uci.

Jeremia 31:2

Walang hna ha hnö Iehova, ka habe, Adre wâ betenge hnyi hnyebuba hnen ta je lakon ûnyi ge hele vat; waleji a Isaraela hnyi hnok hna he ka omenʼ ödra.

Numera 32:4

wale hnyei Iehova ame kot hnyi hnyimakan ûkhacaköu anyin at Isaraela, me, wale hnyei ae ûcû hobi kâu omeno, ke ohmun tavat tren omeno a lathnyabaem.

Numera 32:6

Ke Mose ame thu ka laku Gada me laku Reubena, ka habe, Hawa, ame he je liamekeiny möbun ka vat e helë, ke öbun e he biju ka laba eang?

Deuteronomi 1:37

Ke haba Iehova ame hmönyin minya könya cabun, me ha, ka habe, U me ca he ka hnyi he kâ e:

Josua 7:7

Ke Josua ame ha, ka habe, Ekölö Than Iehova, ieû gam u je hom tavat eang he ka hanyâûâ Joridano, mʼ u me he ka hnʼ öhmun ka hnyi hnyamen at Amora, he ka ohiʼ öhmun? e na sekuhmun he ka laba hnyi ke kheihen Joridano e deiö!

Rutha 2:10

Me e ame ta ju me nom hnyikânâi, me ha kâu, ka habe, Anyin a ieû u me betenge gak, me ûnykûme, kônya, ke iny atkanyua bi?

I. Samuela 20:3

Me Davita ame khemanyin, me ha, ka habe, E khana wia kâmâm a u me betenge gak; me haingen, ka habe, E so Jonathana ame ca long e, wâ e nye vec ut: ke kia inya Iehova, ke kia inya u, a e okhaca biju okca me oge me he ka mok.