Numera 32:33 - Iaai Bible 1901 (New Caledonia)

³³ Me haba Mose ame ham ködra, a laku Gada, me laku Reubena, me hafiny tribu Manase a nöku Josefa, dökhu dökhu Sihona thaniny at Amora, me dökhu dökhu Oga thaniny Basana, wale hnyei me je tauniny, a je tauniny hngei igigilö.

Numera 32:33 ပူးပေါင်းရင်းမြစ်များ

I. Man Ûlabainy Je Than. 12:31

Ke haba keihen ûnyi hnyi hafiny tribu Manase, ödrin eitin thauzan, tavat adre ha ien, he ka he me otilâ Davita ka than.

I. Man Ûlabainy Je Than. 26:32

Ke haba je liamekeiny mē a tavat ae hwege, me, ödrin tu thauzan ke seven haded, je ban je lap anyin lakamen, wale Davita than ame otilâ he ka muso at Reubena, me Gada, me hafiny tribu Manase, hnyi ta je ûnyi hia anyin Khong, me ta je ûnyi anyin than.

I. Man Ûlabainy Je Than. 5:18

Haba je baga laku Reubena, me at Gada, me hafiny tribu Manase, tavat ae hwege, ae khanʼ ödrin hok bec me hele vat, me hlic fana, me metâ hnyi vat, ödrin fâte foa thauzan seven haded ke sikste tavat, ae khanʼ ödrin he ka hnyi vat.

Numera 32:1

KE haba laku Reubena, me laku Gada ödrin e tren omeno ae se hia: ke ödra adre me wâ hnyei Jazera, me hnyei Gileada, me wâ bi, hnyei ae so hobi kâu ta je meno;

Numera 32:32

Ohmun e he ka hom omjehen vat me hanyâûâ hnyi hnyimakö Iehova ka hnyi hnyei Kanana, me me he ka hu ihmun hnyei hnyi ke keihen e deiö Joridano.

Numera 34:14

anyin a haba tribuiny laku Reubena, hoton je lap anyin lakamödra, me tribuiny laku Gada hoton je lap anyin lakamödra, me hafiny tribu anyi Manase, haba ödra adre me hia but ve kap idra:

Numera 34:15

haba li tribu ke hafiny tribu, me adre me ve kap idra hnyi ke keihen hoton Joridano hnyi Jeriko ke e deiö, cicö hna o hnen seûnö.

Deuteronomi 29:8

me otin e hûgûnâ idru hnyei me ham e me iny at Reubena, me Gada, me hafiny tribu Manase.

Josua 12:1

WALANG li thaniny hnyei a kot ge lakon Isaraela, me hom idrin hnyei hnyi ke keihen Joridano hnyi hna o hnen seûno, hwân hnyi hnyigöulen bucen e Arenona ke ne o but hnyi bucen Heremona, me dok ae tha hon hia e deiö:

Josua 12:6

A kuc ödra Mose athnyabai Iehova me je lakon Isaraela: ke haba Mose athnyabai Iehova ame ham e hnân iny at Reubena, me at Gada, me hafiny tribu Manase.

Josua 14:3

Anyin a Mose ame hia but ham iny lo li tribu me hafiny tribu hnyi ke keihen e deiö Joridano: ke e ame ca khene iny at Levi unyidrin.

Josua 22:4

Ke walang ang Iehova Khongubun ame omenâ je liamekeiny möbun, helâji me hnen hna ha ködra, anyin a wale hmetu thʼ öbun, me he ka hnyi umöbun je uma, ka hnyi je ibun, waleji a ham köbun Mose athnyabai Iehova hoton Joridano.

Josua 22:7

Ke a hia but Mose khene jekhoû hnyi Basana ka hafiny tribu Manase: ke haba ka ke haf, Josua ame khenâ unyin je liamekeiny mödrin hoton Joridano ke e jio. Ke haba khaca, hnyi ûen e ame kunʼ ödrin ka hnyi umödrin je uma, me Josua ame hahnahici ödrin,

I. Samuela 13:7

Ke haba keihen at Heberu ödrin e hia but he hanyâûâ Joridano ka hnyi hnyei Gada me Gileada; ke haba Saulo me tiga e bi hnyi Gilegala, ke ame be hoton tavat hia thithö, me öbubuny.