Numera 32:29 - Iaai Bible 1901 (New Caledonia)

²⁹ Ke Mose ame ha ködra, ka habe, Ame ne tha he möbun laku Gada me laku Reubena ka hanyâûâ Joridano, a je hnyat hia adre hom omjehen vat, hnyi hnyimakö Iehova, me hom ûhnyûkongoâ hnyei hnyi hnyimaköbun; awe, öbun e he ka ham ködra hnyei Gileada me me idra bi:

Numera 32:29 ပူးပေါင်းရင်းမြစ်များ

Numera 32:17

ke ohmun e he ka penapena me hnyimakan lakon Isaraela, ke ne o but ohmun e hum ödra ka hnyi idra: kʼ ame he lakuhmun bi ka labā je taun adre up haginy, can aten hnyei.

Numera 32:28

Me haba Mose ame hûn ödra kö Eleazara at bihut, me kö Josua nöku Nuna, me ka je taben ae beönua hnyi je tribuiny lakon Isaraela.

Numera 32:30

ke adre me ne ca hom omjehen vat me tha hanyâûâ unyibun, awe, adre me he ka tha hnyei unyibun hnyi hnyei Kanana.

Josua 12:6

A kuc ödra Mose athnyabai Iehova me je lakon Isaraela: ke haba Mose athnyabai Iehova ame ham e hnân iny at Reubena, me at Gada, me hafiny tribu Manase.

Josua 13:11

me Gileada, me hnyigöulen at Gesuri, me at Maaka, me bucen Heremona hia, me Basana hia ke ne o but Saleka;

Josua 14:3

Anyin a Mose ame hia but ham iny lo li tribu me hafiny tribu hnyi ke keihen e deiö Joridano: ke e ame ca khene iny at Levi unyidrin.

Josua 18:7

Anyin ae ba iny at Levi unyibun; anyin a haba hanymen tavat bihut kö Iehova, wale jekhöûdrin: ke haba Gada, me Reubena, me hafiny tribu Manase, ödrin e hia but kap jekhöûdrin hnyi ke keihen e deiö Joridano, wale a ham ködrin Mose athnyabai Iehova.

Josua 22:9

Me ame he hmetu je laku Reubena, me je laku Gada, me hafiny tribu Manase ge lakon Isaraela ûheny Silo hnyi hnyei Kanana, he ka he ka hnyi hnyei Gileada, ka hnyi idrin hnyei, wale ae hu gadrin, helâji me hna ha hnö Iehova a deny Mose.

Owisa 10:3

Ke hwaban e me ame o Jaira at Gileada, ke e ame owisa ka at Isaraela hnyi je huna a twente tu.

I. Samuela 18:17

Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.