Numera 31:2 - Iaai Bible 1901 (New Caledonia)

² U me he ka bi hwaban at Midiana can lakon Isaraela: ke hwaban e, me adre me he ka tha hum u ka lakâmâm.

Numera 31:2 ပူးပေါင်းရင်းမြစ်များ

Genese 15:15

Ke u ma he ka hnyi he ka je lakâmâm hnyi hnahic; adre me he ka könim u kʼ u hingat kong ut.

Genese 25:17

Ke walang ta je hunainy möt anyi Isamaela, khaca haded ke thöte seven ta je hunainy; ke e ame khûö homenâ me mokcu, kʼ adre öûkhacaköuâ me lahanen.

Genese 25:8

Ke Aberahama ame khûö homenâ, me mokcu ke ti hingat ut, me se hia hunainy; kʼ adre öûkhacaköuâ me lahanen.

Esodo 2:16

Ke e hu ge at bi hut hnyi Midiana lakon ta hlu a seven: kʼ ödrin e o but he ka se köiö me ounöngötâ ta je kumete he ka habelen ta je hnahat mamoe haleny ka-mödrin.

Isaia 1:24

Anyin a wale ame ha Than, Iehova tuhan sabaoth, Maniny Isaraela, ka habe, Awe, oge me he ka omeno nya ge tavat hûkötiö nya, oge me he ka bi hwaban ka je iwahnaihmiony mönya;

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Numera 20:24

Adre me he ka hum Arona ka lakamen: ke e ame ca he ka hnyi he ka hnyi hnyei waleji oge ham ka lakon Isaraela, can hnöbu hna hanyâûâ hok hofuc hnyi an Meriba.

Numera 20:26

me uny jut ûkhaû Arona me okhauö Eleazara a nokon: kʼ adre me he ka hum Arona ka lakamen, kʼ ame he ka mokcu eling.

Numera 25:1

KE haba at Isaraela adre me labā Sitima, ke ame hwân tavat he ka bi unyi monu me omomoiny Moaba:

Numera 25:6

Ke wa bi, haba ke at Isaraela ame hom ke momo Midiana ka je liamekeiny mē, hnyi hnyimakö Mose, me hnyi hnyimakan ûkhacaköu anyin lakon Isaraela hia, ödra adre me tenge hnyi hwanumen uma ûkhacaköu.

Numera 27:13

Ke u ka hia but wâ e, me u me he ka he minya ka tha mokut me lakâmâm, helâ me Arona a tuhâm:

Numera 31:1

KE Iehova ame ha kö Mose, ka habe,

Numera 31:3

Ke haba Mose ame ha ka tavat, ka habe, He thʼ öbun ka penapena keihen gabun he ka vat, mʼ adre me he ka vat at Midiana he ka bi hwaban at Midiana hobi kö Iehova.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Ta je huliwa 13:36

Haba Davita ame ânyâ weny Khong hnyi anyin dö, me ame mokut bi, kʼ adre me ip e unyin lakamen, ke ame wâ hna bobot:

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Roma 13:4

anyin a e athnyabainy Khong unyâm hobi kâu so. Ke u je ne mâdrâ hwakecin ae kong, ot ju; anyin a e ame ca vadren bâûâ hele vat: anyin a e athnyabainy Khong, at ame bi hwaban ge hmonyin ka at ae kong hwakecin.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

Deuteronomi 4:22

ke so bi oge me he ka mokcu hnyi hnyei eang, kʼ oge me ca he ka he hanyâûâ Joridano: ke öbun e he biju ka he hanyâûâ, me hu hnyei ae so eling.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

Heberu 10:30

Anyin ae khanʼ öta but at ame ha, ka habe, Hamök he ka bi hwaban, ke oge me he ka oûco. Ke wale hmetu ang, Ame he Than ka hnö lakeiny.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 19:2

anyin ae hnathu me wisa hnen hna bi hwaban; anyin a hia but bi hwaban ka momo hnyi gethen ae nua, at ame okongoâ hmeledrany ge anyin bi ûnyi monu, ke a hia but bi hwaban kâu can dren lathnyabainy.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?

Owisa 16:24

Ke ame wâ hnen tavat me ödrin e ogânâ khongudrin: anyin a haingödrin, ka habe, Hnen khongutin hna hna iwahnaihmiony mötin ka hnyi hnyamötin a at ame okongo itin hnyei, me hlingâ tavat ae se hia gatin.

Owisa 2:10

Ke ame ûkhacaköu dö eling hia me lakamödrin: ke ame kû ke dö hwabodrin ae ca khanʼ ödrin Iehova, me je huliwa e ame ânyâ hobi kâu at Isaraela.