Numera 26:62 - Iaai Bible 1901 (New Caledonia)

⁶² Ke je hnyat gadra adre aû, me, ödra twente theri thauzan, obaga hia hwân ge tavat a khaca tehi me gan hon e: anyin adre ca tha öû ödra me lakon Isaraela, anyin adre ca ha gadra unyin lakon Isaraela.

Numera 26:62 ပူးပေါင်းရင်းမြစ်များ

Numera 1:47

Ke adre ca tha âu mödra at Levi hoton je tribu iny lakamödra.

Numera 1:49

U me ca he minya ka aû tribu Levi, ke u me ca he ka tha aû ûseidra me lakon Isaraela:

Numera 26:63

Wale tavat a aû hnö Mose me Eleazara at bihut: wale li at ödre aû lakon Isaraela, hnyi dok ae tha hon hnyi Moaba, hnyi Joridano, hnyi Jeriko.

Numera 3:39

Haba tavat hia adre aû a at Levi, wale Mose me Arona ame aû helâ me hna hûna hnö Iehova, hoton anyidra je lap, a obaga hia, hwân ge tavat a khaca tehi me gan hon e, me ödra twente tu thauzan.

Numera 4:27

Hamö Arona me lakon he ka musö ta je huliwa hia anyin laku Geresoma hnyi je banymödra hia, me anyidra ta je huliwa hia: ke öbun e he ka ve khenâ ködra he ka ve tuö je hanymödra.

Numera 4:48

wale tavat adre me aû, me ödra eit thauzan ke faiv haded ke eite.

Deuteronomi 10:9

Anyin a wale e ba hwajekhoû Levi me iny unyin je liamekeiny mē; haba Iehova, me iny hnyei, helâ me Iehova Khongom ame ha kâu.)

Josua 13:14

Ke hake tribu Levi thiju adre ca khene iny; haba je hut a an hnen meic kö Iehova Khongon at Isaraela, me wale iny, helâ me hnen hna ha ködrin.

Josua 13:33

Ke Mose ame ca khene iny tribu Levi: Iehova, Khongu Isaraela idrin, helâ me hnen hna ha ködrin.

Josua 14:3

Anyin a Mose ame hia but ham iny lo li tribu me hafiny tribu hnyi ke keihen e deiö Joridano: ke e ame ca khene iny at Levi unyidrin.