Numera 25:13 - Iaai Bible 1901 (New Caledonia)

¹³ kʼ ame he ka e bi unyin, me je mâtrâniny a hwaban, me me ûhihinyköu he ka at bihut nyiele balua; anyin a e ame ciâ ge Khongon, me bi hwaban möt anyin lakon Isaraela.

Numera 25:13 ပူးပေါင်းရင်းမြစ်များ

II. Samuela 21:3

ke Davita ame ha ka at Gibeona, ka habe, Ieû oge me he ka ânyâ hobi köbun? ke oge me he ka bi hwaban ge ieû, me öbun e he ka hahnahicâ jekhoû Iehova?

I. Je Than 19:10

Haingen, ka habe, Inya oge ciâ ga Iehova, Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ hnyikânâi ânyâm taben hut, me hlingâ ânyâm je perofeta ge hele vat: ke hake inya thiju kolon; ke ödrin e elâm anyik möt he ka ohia e.

I. Je Than 19:14

Haingen, ka habe, Inya oge me ciâ ga Iehova Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ degecâ ânyâm je taben hut, me hlingâ ânyâm je perofeta ge hele vat; ke haba inya thiju kolon; ke ödrin e elâm anyik möt he ka ohiâ e.

I. Je Than 2:27

Me haba Solomona ame obö Abiathara ûnyi hnyi hanymen at bihut kö Iehova; me me ohwâdâ hofuc ho Iehova, waleji a ha ge lap anyi Eli hnyi Silo.

Nehemia 13:29

Khonguk lö, ûnykûmi ödrin ju, anyin ödrin e okongoâ hanymen tavat bihut, me ûhihinyköu anyin tavat bihut, me at Levi.

Salamo 106:31

Ke adre me aû e kâu hnân hwakecin ae wisa, Ke ne o but ta je dö hia nyiele balua.

Salamo 119:139

Ame hia but oaûö nya hnen wek ae gan hmâ, Anyin ame hnying ut hwâm hofuc hnen ta je iwahnaihmiony mönya.

Salamo 69:9

Anyin a hia but uto nya hnen weny ae gan ka hnyi umâm uma; Kʼ ame ta but huk ta jeʼ ûhiö anyin tavat adre me hiö u.

Esodo 29:9

Ke u me he ka oweikʼ ödrin ge wen hnyekon, wale Arona me je lakon, ke u me he ka obicʼ ödrin ge je hnabinybak; mʼ ödrin e he ka hnyat bihut, wale hanymodrin hnyi hnanyibu nyiele balua: ke u me he ka okabi Arona me je lakon.

Esodo 32:30

Ke haba nyi, Mose ame ha ka tavat, ka habe, E gan hmâ anyibun hulö: ke walang ang oge me he ka olo kö Iehova; oge me ne he ka bi hwaban melen anyibun hulö.

Esodo 40:15

ke u me he ka hû odrin helâ me hnâm hna hû kamödrin, mʼ odrin e je at bihut könya: ke haba hna hû ödrin, me waleling me me hnyat bihut nyiele balua hnyi anyidrin ta je dö hia.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Jeremia 33:18

ke ame ca he ka hia hnyimakök ka tavat bihut a at Levi, at ame he ka hudo je hudiny leû, me le je hudiny han, me labö bi hut hnyi je bong.

Jeremia 33:22

E ca khanʼ ödra he ka aû ta je ûnyi ethö hnyi drany, me tuluto je önyin köiö; ke helâe oge me he ka osehia je mâtrâni Davita athnyabaik, me at Levi a anyik tavat huliwa.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Malaki 2:8

Ke öbun e saû but ûnyi hnyi gethen; öbun e hia but ohavâ tavat ae se hia hnyi hnanyibu; öbun e hia but okongoâ ûhihinyköu anyi Levi, haingö Iehova tuhan sabaoth.

Numera 16:46

Ke haba Mose ame ha kö Arona, ka habe, Hom dö ânyâm taben meic ûnyi hnyi hon taben hut, me auk ûnyi ae bo so, me ie wadring dö ka ûkhacaköu, me bi hwaban anyidra möt: anyin ame o hmönyin ûnyi ga Iehova; ke ame hwân dö mok ae gan.

Numera 16:47

Ke haba Arona ame hom helâ me hnö Mose hna ha, me ame wadringâ ka hnyi wanben ûkhacaköu; ke wâ bi ame hia but kû thö mok ae gan unyin tavat: me e ame bi ûnyi ae bo so ka hnyin, me bi hwaban möt anyin tavat.

Numera 17:12

Ke haba lakon Isaraela adre me ha kö Mose, ka habe, Wâ bi, ohmun e he but ang ka mok, me hia, me hia hia.

Numera 25:14

Ke haba ien at Isaraela adre hlingâ, wale at adre tha hlingâ me momo Midiana, me Zimeri, a nöku Salu, thaniny lap anyin ke kamen unyin at Simeona.

Ioane 2:17

Haba laten adre me ûnykûme hna sihnalimen, ka habe, A hia but uto nya hnen weny ae gan hmâ ka umâm uma.

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 7:11

Anyin a wale a ne bekhöt so bongon at bihut a at Levi (anyin a hia but kap hnanyibu hnen tavat hmelen e), me hnân eû he ka o ke at bihut helâ me bongu Melekisedek, kʼ adre me ca hâiâ e hoton bongu Arona?

Josua 7:12

Anyin a wale e ca khana lakon Isaraela he ka tot hnyi hnyimakan je iwahnaihmiony mödrin, ödrin e wia je judrin ka je iwahnaihmiony mödrin, anyin a ödrin e hnaûhango but: ke oge me ca he hmetu ka tha e möbun, öbun e ne ca degec ûnyi adre hake ip unyibun.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.