Numera 25:11 - Iaai Bible 1901 (New Caledonia)

¹¹ Haba Fineasa nöku Eleazara a nöku Arona at bihut ame hia but wia anyik hmönyin ûheny unyin lakon Isaraela, hnyi hnen hna ciâ gak hnyi wanbödra, mʼ oge me ca ohia lakon Isaraela hnyi hnok hna ciâ.

Numera 25:11 ပူးပေါင်းရင်းမြစ်များ

II. Samuela 21:14

Ke ödrin e konâm je jeiö Saulo me Jonathana a nokon hnyi hnyei Beniamina hnyi Zela, hnyi hu Kiso a kamen: ke ödrin e ânyâ ta je ûnyi hia hnen than hna hûna. Ke hwaban e Khong ame long hodrin ge hnyei.

I. Je Than 14:22

Ke haba at Juda ame ânyâ hwakecin ae kong hnyi hnyimakö Iehova; ke ödrin e ociâ gan hmâ e hon hna ânyâ hnen lakamödrin, hnyi ta je monu hia ödrin e ânyâ.

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Salamo 106:30

Ke haba Fineasa ame tot me ânyâ wisa; Me ame todru mok ae cap.

Salamo 106:31

Ke adre me aû e kâu hnân hwakecin ae wisa, Ke ne o but ta je dö hia nyiele balua.

Salamo 78:58

Anyin a adre me ohmönyinâ e ge anyi dra je dok ae gorany, Me ociâ e ge anyidra je hnatheat,

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Esodo 22:5

A ne he ke at ka okongoâ hna belök, ame ne hnyei vine, me hna haleny meno he ka an hnyei iny ke at; me e ame he ka bi hwaban soâ ûnyi hnyi iny hnyei, ame ne anyin hnyei vine.

Esodo 34:14

anyin a u me ca he ka khudrung ka ke khong: anyin a Khong ame ciâ Iehova, Ciâ ien:

Ezekiela 16:38

Ke oge me he ka bi hwaban köu, helâ me hna bi hwaban ka omomo, hnyat adre me bi ûnyi monu, me hingâlâ dra: ke oge me he ka oâ köu dren wathethot me ciâ.

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Numera 25:10

Ke Iehova ame bi kö Mose, ka habe,

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

I. Korinito 10:22

Hawa, ate me cubic Than he ka ciâ? hawa, öta hwege hon e?

II. Korinito 11:2

Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

Deuteronomi 29:20

ke ame ca he Iehova ka hna e, ke so bi, ame he ka sâ hmönyin anyi Iehova me anyin ciâ ka at eling, kʼ ame he bi ka ta hon hnaûhango hia adre sihnalimen hnyi tusi ang, ke ame he Iehova ka kot degecâ ien ûnyi eang hmeledrany.

Deuteronomi 32:16

Adre me okûâ anyin ciâ ûnyi ge je khong atkanyua, Kʼ adre ohmönyinâ ge anyidra ta je ûnyi ae ikiki.

Deuteronomi 32:21

Adre hia but okûâ anyik ciâ can ûnyi a ca Khong bi; Adre hia but ohmönyini nya ge anyidra ta je ûnyi baû: Me oge me he ka okûâ anyidra ciâ ge je hnyat a ca hnyei bi; Oge me he ka ohmönyini ödra ge hnyei ae monu.

Deuteronomi 4:24

Anyin a meic ae han Iehova Khongom, Khong ame ciâ.

Josua 22:13

Ke haba lakon Isaraela adre me kunö Fineasa nöku Eleazara at bihut ka laku Reubena me laku Gada, me hafiny tribu Manase, ka hnyi hnyei Gileada;

Josua 24:19

Ke Josua ame ha ka tavat, ka habe, E ca khanʼ öbun he ka bi athnyabai Iehova; anyin a e Khong ae kap; me Khong ame ciâ; e ame ca he ka hna anyibun hulö me anyibun je monu.