Numera 22:36 - Iaai Bible 1901 (New Caledonia)

³⁶ Ke a löng ut Balaka a e but ang Balaama, me e ame he ka ûkhanö mē hnyi taun Moaba, hnyi hnyigöulen Arenona, wale hnyi obiny hnyigot.

Numera 22:36 ပူးပေါင်းရင်းမြစ်များ

Genese 14:17

Ke ame he but than Sodoma he ka iouny më, wale a tiga hmetu ûheny hnyi hna kuc Kedalaoma me ta je than unyin, hnyi Save hnyigöulen bucen (wale hnyigöulen bucen anyin than).

Genese 18:2

ke e ame bwele me wâ, ke wâ bi ta hnyat a kun ödrin e tot hnyi hnyimakan: ke e ame ö ʼdrin me wadring dö he ka iouny mödrin ûheny hnyi uma mano, me nom ju hnyikânâi,

Genese 46:29

Ke Josefa ame penapena anyin kariota, me he Gosena ai he ka iouny me Isaraela a kamen; ke ödru me iouny dö, me Josefa ame ta ju hon nyin, me tenge beû hmâ hon nyin.

Esodo 18:7

Ke haba Mose ame he ka ûkhanö me ûngon, me nom kâu, me ûcumhnyimak me; kʼ ödru me ûhnököuâ li ve bongudru, kʼ ödru me didrö ka hnyin uma ʼmano.

Isaia 16:2

Ke ame he wahluiny Moaba hnyi je hna utihai hnyi Arenona ka helâ me je meno ame gâ monu, ke helâ me hâûeu meno adre oveseâ.

Jeremia 48:20

A hmehma but Moaba; anyin adre hagutâ e: kuku thö goranyai me tenge; ha thö e hnyi Arenona a ga aû hia but Moaba.

Numera 22:35

Ke haba angela anyi Iehova ame ha kö Balaama, ka habe, He thö u me tavat: ke so bi u me be ka ha thibi je ûnyi oge me he ka ha köu. Me Balaama ame tha he me je than ûhedrin unyi Balaka.

Numera 22:37

Ke Balaka ame ha kö Balaama, ka habe, Hawa, oge ca ûkhûnöng ûjengöâ he ka hao u? Ieû gam u je ca he jem könya? hawa e ca hnathu ang ae khanö nya he ka oganö u?

Ta je huliwa 28:15

Ke e khana je liamekeiny eling öhmun, me adre me he but ke ne o but hnyi hna ûcû anyin Apio, me Kun ta Uma Menâ, he ka ûkhanö mʼ öhmun: ke haba Paulo ame ō ʼdrin me e ame ole ka Khong, me hwege hnyekon.

Deuteronomi 2:24

Köûö thʼ öbun me he, ke hanyâûâ hnyigöulen bucen e Arenona: wâ bi, oge hia but ham ka hnyi hnyamâm Sihona at Amona, thaniny Hesebona, me iny hnyei: hwân dö he ka hûgûnâ, ke tet metâ kâu hnyi vat.

Deuteronomi 3:8

Ke, haba hnyi ûen eling ate me hûgûnâ hnyei ûnyi ge li thaniny at Amora, hoton Joridano, hwân hnyi hnyigöulen bucen e Arenona ke ne o but hnyi bucen Heremona;

Owisa 11:18

Ke e ame vheno hnyebuba, me igigilo hnyei Edoma, me hnyei Moaba, me he hnyi ke keihen e deiö hnyei Moaba, me hunuma hnyi ke keihen Arenona; ke ödrin e ca o hnyi hnyigöulen Moaba, anyin a Arenona hnyigot me Moaba ehac.

I. Samuela 13:10

Ke e tiga um dö hudo hudiny leû, wâ bi, ame o thö Samuela; ke Saulo ame he ka ûkhanö mē me me iouny mē.