Numera 22:32 - Iaai Bible 1901 (New Caledonia)

³² Ke haba angela anyi Iehova ame ha kâu ka habe, Ieû gam u me okun kot halem asina? wâ bi, oge me he jem he ka ovheli u, anyin ae kong könya ûhem:

Numera 22:32 ပူးပေါင်းရင်းမြစ်များ

Salamo 145:9

E so Iehova ka ta je ûnyi hia; Ke e hon anyin ta je huliwa hia anyin ibetengiö

Salamo 147:9

E ame ham ka ta je meno ö ʼdra jeû, Me ka je lakou oreba ame kuku.

Salamo 36:6

Haba ânyâm wisa, me helâ me je bucen anyin Khong; E dit hmonyin hnâm je hna owisa: Iehova lö, u thibi at ame tuö möt anyin at me meno.

Ta je Vejec 14:2

Haba at ame he hnyi anyin wisa me e ame outö Iehova; Ke haba at ae hwali deny gethen, me ame hûkötiâ e.

Ta je Vejec 16:2

Haba ta je gethen hia deny at, me ka so bi kâu: Ke haba Iehova ame tuluto ta je hanu.

Ta je Vejec 28:18

Haba at ame vheno wisa, me ame he ka mot: Ke haba at ae hwali a lo bongon, me ame he ka ie ta.

Ta je Vejec 28:6

E so at ae theduoc kʼ ame vheno hwakecin ae wisa Hon at ame he hwali hnyi deny je gethen ke tren bi omjeû.

Jona 4:11

ke hawa, e ca ûcû könya he ka betenge ge Nineve taun ae gan, ke se hia aten bon khaca haded ke twente thauzan, tavat ae ca khanʼ ödra benyidra a metödra me me; ke ca ha bi omeno.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Numera 22:20

Ke haba Khong ame o but kö Balaama hnyi hnyinghet, me ha kâu, ka habe, Ame ne o tavat ka hawo u, me todrö, me tha he mödrin: ke so bi, haba thibi ûnyi oge me he ka ha köu, me wale ûnyi u ma he ka ânyâ.

Numera 22:22

Ke ame ubâhlâ hmönyin anyi Iehova can e ame he: ke haba angela anyi Iehova ame tet metâ kâu eû hnyi gethen he ka ovhelâ e. Ke e ame tabâ haleny asina me he, ke tha e me li athnyabainy.

Numera 22:28

Ke Iehova ame khong hnyimen asina me ame fuc kö Balaama, me ha, ka habe, Ieû oge ânyâ köu, mʼ u me okun kuʼ nya?

Numera 22:33

ke ame ō nya asina, me ame okun saû gak, ke ame ne ca saû gak, me oge me hia but hlingö u, me omelö e bi.

Numera 22:35

Ke haba angela anyi Iehova ame ha kö Balaama, ka habe, He thö u me tavat: ke so bi u me be ka ha thibi je ûnyi oge me he ka ha köu. Me Balaama ame tha he me je than ûhedrin unyi Balaka.

Ta je huliwa 13:10

me ha, ka habe, At ae unöngötö ge je thoi hia, me monu, u nokon diabolo, ke iwahnaihmiony me hwakecin hia ae wisa, hawa, u me ca menâ he ka ohwalö je hwakecin hia ae wisa anyin Than?

Deuteronomi 23:4

anyin a ödra me ca ûkhanöâ möbun jeû me köiö eû hnyi gethen waleji hnyi ûhebun ûheny Aigupito; ke can adre me bi omjeû kö Balaama nöku Beora ûheny Pethora hnyi Mesopotamia, he ka hangö u.

Deuteronomi 25:4

U me ca he ka ca hnyimen bolok kʼ ame ututo hwit.