Numera 21:28 - Iaai Bible 1901 (New Caledonia)

²⁸ Anyin a he but meic ûheny Hesebona, A bâhlân meic ûnyi hnyi taun Sihona: Kʼ ame an Aro hnyi Moaba, Je thaniny je dok ae görany hnyi Arenona.

Numera 21:28 ပူးပေါင်းရင်းမြစ်များ

Salamo 78:63

Haba meic ame an wahidröu unyidra; Ke ba khumönginy faipoipo ge wahlu.

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 15:4

Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Isaia 16:12

Ke e ka manen Moaba, ke e ame kong hnyekunâ e hon dok ae gorany, kʼ ame dit ka hnyi anyin dok ae kap he ka hic, me e ame ca he bi ka ton.

Amosa 1:10

ke oge me he ka kunâ meic ka hnyi hna up haginy Turo, kʼ ame he ka thong degecâ je uma umen than hnyin e.

Amosa 1:12

Ke oge me he ka kunâ meic ka hnyi Temana, ke ame he ka thong degecâ je uma umen than hnyi Boyera.

Amosa 1:14

ke oge me he ka hû meic hnyi hna up haginy Raba, ke e ame he ka thong degecâ je uma umen than hnyin e, me kuku hwege hnyi bonginy vat, me weneû hnyi bonginy hou:

Amosa 1:4

ke oge me he ka kunâ meic ka hnyi lap anyi Hazaela, kʼ ame he bi ka an hnyi uma ae hmanenang umo Ben-adada.

Amosa 1:7

ke oge me he ka kunâ meic ka hnyi hna up haginy Gaza, kʼ ame he ka thong degecâ je uma umen than hnyin.

Amosa 2:2

ke oge me he ka kunâ meic hon Moaba, me e ame he ka thong degecâ je uma umen than hnyi Kerioth; ke ame he Moaba ka mok hnyi mede, me kuku hwege, me hwan trutru:

Amosa 2:5

ke oge me he ka kunâ meic hon Juda, kʼ ame he ka thong degecâ je uma umen than hnyi Jerusalema.

Numera 21:15

Me hwatapkoluiny je bucen, Ame hwali ka hnyi hnyaban Aro Kʼ ame ci hon hnyigöulen Moaba.

Numera 21:27

Anyin a wale, haba hnyat j vejecâ, ödrin e ha, ka habe, Ai öbun Hesebona ai E so adre me op me otilâ taun Sihona:

Numera 22:41

Ke haba nyi Balaka ame hum Balaama, me hom e ka hnyi je dok ae gö-rany anyi Baala, ke e ame wâ ûheny e tavat ke ne o but obiny je bunyen.

Deuteronomi 2:18

Haba hnyi bong ang u me he ka hanyâûâ Aro, a hnyigöulen Moaba:

Deuteronomi 2:9

Ke haba Iehova ame ha könya, ka habe, Ca he ka okongoâ at Moaba, me vat mödra: anyin oge me ca he ka ham ûnyi hnyi idra hnyei me me em bi; anyin oge hia but ham Aro ka laku Lota me me idra.

Owisa 9:15

Ke haingen iwatetaföcö ka je ûö, ka habe, Öbun e ne hû nya hnathu nya me me anyibun than, he thö jem me laba hnahic hmelen anyik dok ae hwaelu: ke ame ne ba, e so e he but meic ûnyi hnyi iwatetaföcö me thong degecâ je arasiny Lebanona.

Owisa 9:20

ke ame ne ba, e so e me he but jem meic ûnyi ga Abimelek, mo an at Sekema, me ûnyi hnyi lap anyi Milo: e so e me he but meic ûnyi ge at Sekema me laba hnyi Milo, me on Abimelek.