Numera 20:12 - Iaai Bible 1901 (New Caledonia)

¹² Ke Iehova ame ha kö Mose me Arona, ka habe, Anyin a öbu me ca labageju könya he ka okabi nya hnyi hnyimakan lakon Isaraela, awe, öbu me ca he ka hom ûkhacaköu eang ka hnyi hnyei oge hia but ham ködra.

Numera 20:12 ပူးပေါင်းရင်းမြစ်များ

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

Salamo 106:32

Adre me ohmönyinâ e hnyi an Meriba, Me ame o but kong kö Mose ûnyi gadra:

Salamo 99:8

Iehova a Khonguhmun lö, u je thu ködrin: U thibi Khong waleji at ame thang anyidrin je hulo, Ke so bi u je bi hwaban hnödrin je hna ânyâ.

Isaia 7:9

Ke Samaria ban ka Eferaima, ke nöku Remalia ban ka Samaria. Öbun e ne ca labageju, e hnathu öbun e ca he ka tethmâ.

Isaia 8:13

Öbun e he ka okabi Iehova tuhan sabaoth; ke so öbun e he ka ot kâu, me öbubuny gan.

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Ezekiela 36:23

Ke oge me he ka okabâ iök ae gan, waleji adre me haikongoâ unyin ta je hnyei, wale öbun e hia but haikongoâ hnyi wanbödra; me ame he je hnyei ka wâ a inya Iehova, iny ka okabi nya bi gabun hnyi hnyimaköbun, haingen Than Iehova.

Ezekiela 38:10

Walang hna ha hnen Than Iehova, ka habe, Hnyi ûen eling, ame he ka o je ûnyi hnyi hnyekom, ke u me he ka hu hna ûnykûme ae kong:

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Numera 11:15

Ke u je ne ânyâ helâe könya, me ö u hlingö nya but u je ne betenge gak; mʼ oge me ca he ka wâ anyik hlöuhlöu.

Numera 20:24

Adre me he ka hum Arona ka lakamen: ke e ame ca he ka hnyi he ka hnyi hnyei waleji oge ham ka lakon Isaraela, can hnöbu hna hanyâûâ hok hofuc hnyi an Meriba.

Numera 27:14

anyin a obe hanyâûâ hok hofuc hnyi hnyebuba Zin, waleji hnyi hna iwatretra hnen ûkhacaköu, he ka okabi nya hnyi an hnyi hnyimaködra. (Wale an Meriba e Kadesi, hnyi hnyebuba Zin.)

Mataio 17:17

Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Luka 1:20

Ke wâ bi, u me he ka hum, ame ca he ka khanö u fuc ke ne o but hnyi bong adre me he ka ânyâ hnyin ta je ûnyi e, anyin a u je ca kap hok hofuc, wale ame he ka hwâdâ hnyi ûen e.

Luka 1:45

Hnahic hnen momo ame labageju; anyin ame he ka hwâdâ ta je ûnyi hia thithö adre ha kâu ûnyi ge Than.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Roma 4:20

eke, e ame ca loloâ me ca labageju, kʼ ame wâ hmâ hna ha bânâ hnen Khong, ke e hwege bi ûnyi ge labageju, kʼ ume ogânâ Khong,

Deuteronomi 1:37

Ke haba Iehova ame hmönyin minya könya cabun, me ha, ka habe, U me ca he ka hnyi he kâ e:

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Deuteronomi 4:21

Ke haba khaca, Iehova ame hmönyin könya ca ʼbun, me ame khemanyin a oge me ca he ka hnyi he hanyâûâ Joridano, me hnyi he ka hnyi hnyei ae so, wale a ham Iehova Khongom hnân em;

Josua 1:2

A mokcu Mose athnyabaik; ke walang: ang todrö, he thö ka hanyâûâ Joridano eang, a u, me tavat eang hia thithö, ka hnyi hnyei oge me ham ködra, wale ka lakon Isaraela.

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;