Numera 19:20 - Iaai Bible 1901 (New Caledonia)

²⁰ Ke haba at ae bo kong, kʼ ame ca he ka obosoâ e bi, me adre me he ka subâ de gecâ at eling ûnyi hnyi ûkhacaköu, anyin a e ame hia but okongoâ dok a kabi Iehova: ke adre ca hia but dukâiâ e ge köien okabâ; e bo kong ut e.

Numera 19:20 ပူးပေါင်းရင်းမြစ်များ

Genese 17:14

Ke adre me he ka subâ degecâ ûnyi hnyi iny hnyei at adre me ca peritomonâ unen unyin; e ame hanyâûâ anyik ûhihinyköu.

Esodo 30:33

Ke haba at ame he ka ûhaniken ûnyi helâe, me ip hanen hon ke atkanyua, me adre me he ka ohia at e ûnyi hnyi iny hnyei.

Levitiko 15:31

Helâe öbu me he ka hake ip lakon Isaraela ûnyi hnyi anyidra bo kong; wâ ödra nye mokcu hnyi bokongidra; ödra ka he ka obokongoâ umök uma mano a e hnyi wanbödra.

Levitiko 17:16

Ke ame ne ca he ka hneû anyin je ûkhaû, me sûâ unyin, me ame he ka takoû e anyin hulö.

Levitiko 22:4

Ame ne lepera ke at hnyi mâtrâni Arona, ame ne hingölö dân unyin; me e ame ca he ka hnyi han je ûnyi ae kap, ke ne o but e ame bo so bi. Ke ame ne hu ke at ame kâlâ ke ûnyi ae bo kong hnen unyin ae mok, ke ame ne at ame hingölö sin unyin;

Numera 15:30

Ke haba at ame ânyâ sheshamökâ ke ûnyi, ame ne aten hnyei ame ne atkanyua, me wale at ame bi gan kö Iehova; ke adre me he ka subâ degecâ at eling ûnyi hnyi iny hnyei.

Numera 19:13

Ke haba at ame kâlâ komok, kʼ ame ca obosoâ e bi, me e ame okongoâ uma mano umo Iehova; kʼ adre me he ka subâ degecâ at eling unyin at Isaraela: anyin adre ca dukâiâ e hnen köien okabâ, e bo kong ut e; ke e bi unyin anyin bo kong.

Numera 9:13

Ke haba at ae bo so, kʼ ame ca hnyi he but, kʼ ame ca hnyi hanen paseka, me adre me he ka subâ degecâ at eling ûnyi hnyi iny hnyei: anyin a e ame ca hom hut kö Iehova hnyi ûen adre thu, kʼ ame he ka takoû at eling hnen anyin hulö.

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

Hna Omanenâ 22:11

Haba at ae ca wisa, me ame he bala bi ka ca wisa: ke haba at ae ikiki, me ame he bala bi ka ikiki: ke haba at ae wisa, me ame he bala bi ka ânyâ wisa: ke haba at ae kap, me adre me he bala bi ka okabâ.