Numera 18:12 - Iaai Bible 1901 (New Caledonia)

¹² Haba soiny wakaco hia, me soiny waina hia me hwit, a je wan a bân adre me ham kö Iehova, haba ta je ûnyi e oge me ham köu.

Numera 18:12 ပူးပေါင်းရင်းမြစ်များ

Genese 27:28

Ke ame he Khong ka ham köu hau ûnyi hnyi drany, Me pipikhenyainy hmeledrany, Me hwit me waina ae gan hmâ:

II. Je Than 4:42

Ke ame o but ke at ûheny Baala-salisa, ke ame hom ka aten Khong aretoiny je wan a bân, a twente je areto bali, me je ban hwit ae hât hnyi tangen tang. Me haingen, ka habe, Ham dö ka tavat mʼ ödrin e han.

II. Man Ûlabainy Je Than. 31:5

Ke ame hap o ju ehele hnanyibu, me haba lakon Isaraela ödrin e ham gânâ je wan hwit a bân, me waina, we wakaco, me hani, me troban kânâ hia thithö; ke ödrin e hom gânâ a je ke keihen a libenyitainy ta je ûnyi hia.

Salamo 147:14

E ame ham ûsoköu hnyi je ke keihâm; E ame ounöngöti u ge hwit ae ti so.

Salamo 81:16

Ke e ame he ka haödra ge hwit ae ti so: Me osekuni u ge hani ûnyi hnyi kic.

Esodo 22:29

U ca he ka becâ ham wan em hnyei, me dân wan halem je ûö. Ke u me be ka ham könya watö a lakom baga.

Esodo 23:19

U me he ka hom ka hnyi uma umo Iehova a Khongom ta je jeû a bân ûnyi hnyi kânâm kânâ. Ke ca he ka ölâ nokon got hnyi dân basin hinyen.

Esodo 34:26

U me he ka hom ka hnyi uma umo Iehova a Khongom, ta je jeûiny kânâm kânâ a bân. U me ca he ka ölâ nokon got hnyi dân basiny hinyen.

Ezekiela 44:30

Ke hobi kâu tavat bihut je ûnyi a bân hnyi ta je wan a bâniny ta je ûnyi hia, me ta je bwihlanyin hia ta je ûnyi hia öbun e ânyâ me bwihlany: öbun e he ka ham minya je falawa a bân adre tiga op ka at bihut, me me mokut hon umöbun je uma hnahic.

Levitiko 2:12

Öbun e he ka hudo e hnân hudiny wan a bân kö Iehova, kʼ ame ca he ka ölö goranyai bunen ae so unyi hnyi hon taben hut.

Levitiko 2:14

Ke u ka he ka hudo hudiny han, ûnyi hnyi je wan a bân kö Iehova, me u me he ka hudo hnân hudiny han je wan a bân hnyi em hnyei, je wan hwit adre le ge meic, me je hwit adre omomonoâ.

Levitiko 23:17

Me öbun e he ka hom ûnyi hnyi je hnyababun lo li aretoiny hajijing, ke lo li omer salawa: adre me he ka le ge salawa ae so adre levenâ, wale je wan a bân kö Iehova.

Levitiko 23:20

Ke ame he at bihut ka tha hajijingâ ta je ûnyi e me li areto a bân hnân hudiny hajijing hnyi hnyimakö Iehova, me li mamoe: e kap ta je ûnyi e kö Iehova ke hobi kâu at bihut.

Deuteronomi 18:3

Ke walang jekhon tavat bihut ûnyi hnyi hnyei, a ûnyi ge tavat adre me hudo je hut, ame ne bolok, ame ne mamoe, me adre me he ka ham ka at bihut bajebenyin me li wahicen, me tangen han.

Deuteronomi 18:4

U me he ka ham kâu ge ânyâm hwit a bân, me ânyâm waina, me ânyâm wakaco, me ânyâm leûnen mamoe adre subâ a bân.

Deuteronomi 26:2

awe, u me he ka hom je wan kânâ hia a bân, wale u me he ka hom ûnyi hnyi em a ham köu Iehova Khongom: ke u me he ka hitangen, me hom e ka hnyi dok ame he Iehova Khongom ka ûca me me umen ien bi.

Deuteronomi 32:14

Bata ûnyi ge kau, ke dân basin mamoe, Tha e me pipikenyainy lakon mamoe Me je mamoe baga ûheny Basana, me je got, Tha e me pipikhenyainy wan hwit; Ke u je ijem waina a dren wan vine.