Numera 16:38 - Iaai Bible 1901 (New Caledonia)

³⁸ a je taben meic anyin hnyat ae hulö ang ödrin e bi joniny anyidrin möt: ke e so adre me kot lauâ ta je ûnyi e ge hama, me hnân tube taben hut: anyin a ödrin e hudo hnyi ta je ûnyi e hnyi hnyimakö Iehova, anyin a wale e kap: me me hnân haten ka lakon Isaraela.

Numera 16:38 ပူးပေါင်းရင်းမြစ်များ

I. Je Than 2:23

Haba Solomona than ame khemanyin ga Iehova me ha, ka habe, Ame he Khong ka ânyâ helâe könya me bi hanen minya, a ne ca ha Adonia hofuc e hnân hangâ e bi.

Ta je Vejec 1:18

Ke haba je hnyat eling adre me khöu mokut kodra bi, Adre me mokut duöng kodra bi.

Ta je Vejec 20:2

Haba outen than, me helâ me liona ame kuku: Haba at ame ohmönyinâ e, me ame ka okongoâ e bi.

Ta je Vejec 8:36

Ke haba at ame haû bi gak, me e ame okongoâ hanon bi: Ke haba tavat adre me hûkötiö nya, me adre me hnyok mok.

Jeremia 44:7

Anyin a wale, walang hna ha hnö; Iehova, Khongon sabaoth, Khongu Isaraela, ka habe, Anyin a ieû öbun e ânyâ hulo ae gan hmâ eang me hnân jönibun bi, he ka subâ degeci öbun bi obaga me omomo, me je mendreng, me wanakat ame i, ûnyi hnyi wanben Juda, me me ba but kolon gabun;

Ezekiela 14:8

ke oge me he ka wâhmâ at eling, me ip hnân lâiâ, me hnân haten me vejec, ke oge me he ka subâ degecâ e ûnyi hnyi wanben lakeik; ke ame he ka khanʼ öbun a inya Iehova.

Habakuka 2:10

U je hia but ûnykûme ûnyi hnân ohmehma ânyâm lap, hnyi hnâm hna subâ degecâ je hnyei ae se hia, me ânyâ hulö köu bi.

Numera 16:37

Ha thö kö Eliazara nöku Arona at bihut, me me hom je taben meic ûnyi hnyi hna hiâ, kʼ u ma he ka kot degecâ meic e helē; anyin a wale ûnyi ae kap;

Numera 16:39

Me haba Eleazara at bihut ame hom je taben meic bras wale a hudo hnyin tavat adre thong degecâ; me adre me olauâ ta je ûnyi e hnân tube taben hut:

Numera 16:40

me hnân oûnykûmeâ ka lakon Isaraela, me me ca he ka hakekenyâ ge atkanyua a ca hanen je mâtrâni Arona, he ka hudo ûnyi ae bo so kö Iehova; me me ca he ka helâ me Kora me lahien, hoton hofuc ho Iehova kâu a deny Mose.

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 26:10

kʼ ame memang ut hnyimen kânâ kʼ ame tha utʼ ödru me Kora hnyi imekiny lahien eling; kʼ ame ön ödrin tu haded ke fifte ge meic, mʼ ödrin e haten bi.

I. Korinito 10:11

Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö.

II. Peteru 2:6

ke ame ohnaûhangoâ li taun Sodoma me Gomora, me ohia, me wia me hnabadröu, me e ame ip hnân haten ka tavat adre me he hmetu ka ânyâ hwakecin ae kong;