Numera 15:29 - Iaai Bible 1901 (New Caledonia)

²⁹ Ame he ka hu gabun hnanyibu a khaca hobi kâu at ame haû ame ne aten hnyei unyin lakon Isaraela, ame ne atkanyua ame tha laba unyidra.

Numera 15:29 ပူးပေါင်းရင်းမြစ်များ

I. Je Than 8:41

Ke haba atkanyua a ca hanen bi lakem a Isaraela, ke e ka o ûheny hnyi hnyei ae sâkâû ge iâm;

Esodo 12:49

Ame he ka khaca hnanyibu hobi kâu aten hnyei me atkanyua ame laba unyibun.

Levitiko 16:29

Ke wale hnanyibu hobi köbun nyiele balua: haba hnyi tshi a seveniny, hnyi bong a teniny tehi, öbun e he ka hom ûhnyûkongoâ je hnyekubun, me ca huliwa, ame ne ke at a aten hnyei, ame ne aten ke hnyei at ame laba kanyua unyibun:

Levitiko 17:15

Ke haba at ame he ka han meno a mok hwege, ame ne kiâ ge ke meno, a aten hnyei, me atkanyua, me, hamen he ka hneû anyin je ûkhaû, me soû hnyi köiö, me bo kong ke ne o but sahac, me me bo so but.

Levitiko 4:2

Ha thö ka lakon Isaraela, ka habe, A ne ke at ame hanyâûâ ke hnanyibu anyi Iehova, ke ca khana, waleji hnyi je ûnyi a hûna Iehova a gʼ adre me ca he ka ânyâ, ke ame ne he ka ânyâ ke ûnyi eling:

Numera 15:15

Khaca thibi hnanyibu köbun, a wale ûkhacaköu me atkanyua ame laba unyibun, wale hnanyibu nyiele balua hnyi anyibun ta je dö: haba öbun me tha ûcû me atkanyua hnyi hnyimakö Iehova.

Numera 15:28

Ke ame he at bihut ka bi hwaban möt anyin at a ânyâ ke ca khana, kʼ ame ânyâ haûâ hulö, hnyi hnyimakö Iehova, me me bi hwaban anyin möt: ke adre me he ka hna e.

Numera 15:30

Ke haba at ame ânyâ sheshamökâ ke ûnyi, ame ne aten hnyei ame ne atkanyua, me wale at ame bi gan kö Iehova; ke adre me he ka subâ degecâ at eling ûnyi hnyi iny hnyei.

Numera 9:14

Ke ame ne tha laba möbun ke atkanyua, kʼ ame hnyi behanen paseka kö Iehova; me e ame he ka ânyâ hoton hnanyibuiny paseka me hwakecin: khaca thibi hnanyibu köbun ge atkanyua me aten hnyei.

Luka 12:48

ke haba at ae ca khana, kʼ ame ânyâ ûnyi ae ûcû he ka kot hnyin, me ame he ka wakhalet hna kot e. Ke haba at adre me ham gânâ kâu, me adre me he bi ka elâm gânâ unyin: ke haba at adre me ip gânâ unyin, me adre me he bi ka hawâ gânâ kâu.

Josua 8:33

Ke haba at Isaraela hia, me wahingatidrin, me anyidrin je taben, me anyidrin je hnyat owisa, ödrin e ûtitilen hnyi li baten tang hnyi hnyimakan hnyat bihut a at Levi, wale hnyat ödrin e vadren tangen ûhihinyköu anyi Iehova, a je atkanyua tha ödrin me tavat adre hnokoâ hnyi hnyei; haba ke keihen a hafiny adre me tot cicö bucen Gerizim, ke ke hafiny cicö bucen Ebala; helâji me Mose a athnyabai Iehova ame hûna, mʼ adre me he ka bödrin ka ha hnahicâ hnyei Isaraela.