Numera 15:20 - Iaai Bible 1901 (New Caledonia)

²⁰ Öbun e he ka hudo ke ong areto ûnyi hnyi anyibun salawa a bân hnân hudiny kap goranyai: öbun e he ka kap e goranyai helâ me hnobun hna kap goranyai hut ûnyi hnyi hna uja hwit.

Numera 15:20 ပူးပေါင်းရင်းမြစ်များ

Nehemia 10:37

me otin e he ka hom anyitin je falawa a bân, me anyitin je hut adre kap goranyai me wan haletin je ûö, me waina me wakaco, ka tavat bihut, ka hnyi je hnyeuleny uma umen Khongutin; me je ke keihen a libenyitainy jeûiny könötin kânâ ka at Levi; anyin a haba at Levi ödrin e hom je ke keihen a libenyitainy hnyi ta je taun hia otin e belök hnyin.

Esodo 23:19

U me he ka hom ka hnyi uma umo Iehova a Khongom ta je jeû a bân ûnyi hnyi kânâm kânâ. Ke ca he ka ölâ nokon got hnyi dân basin hinyen.

Esodo 34:26

U me he ka hom ka hnyi uma umo Iehova a Khongom, ta je jeûiny kânâm kânâ a bân. U me ca he ka ölâ nokon got hnyi dân basiny hinyen.

Ezekiela 44:30

Ke hobi kâu tavat bihut je ûnyi a bân hnyi ta je wan a bâniny ta je ûnyi hia, me ta je bwihlanyin hia ta je ûnyi hia öbun e ânyâ me bwihlany: öbun e he ka ham minya je falawa a bân adre tiga op ka at bihut, me me mokut hon umöbun je uma hnahic.

Levitiko 2:12

Öbun e he ka hudo e hnân hudiny wan a bân kö Iehova, kʼ ame ca he ka ölö goranyai bunen ae so unyi hnyi hon taben hut.

Levitiko 2:14

Ke u ka he ka hudo hudiny han, ûnyi hnyi je wan a bân kö Iehova, me u me he ka hudo hnân hudiny han je wan a bân hnyi em hnyei, je wan hwit adre le ge meic, me je hwit adre omomonoâ.

Levitiko 23:10

Ha thö ka lakon Isaraela, me ha ködra, ka habe, Öbun ka o ka hnyi hnyei oge me he ka ham köbun, ke öbun ka meno jeûiny, me öbun e he ka hom je thi hwit a bân öbun e meno ka at bihut:

Levitiko 23:20

Ke ame he at bihut ka tha hajijingâ ta je ûnyi e me li areto a bân hnân hudiny hajijing hnyi hnyimakö Iehova, me li mamoe: e kap ta je ûnyi e kö Iehova ke hobi kâu at bihut.

Numera 15:21

Öbun e he ka ham kö Iehova hudiny kap goranyai ûnyi hnyi anyibun; salawa a bân hnyi anyibun ta je dö.

Numera 18:12

Haba soiny wakaco hia, me soiny waina hia me hwit, a je wan a bân adre me ham kö Iehova, haba ta je ûnyi e oge me ham köu.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Roma 11:16

Anyin a ne kap wan a bân, ame he ka helâe hia: ke a ne kap iwân ame he ka helâe minya je anginy.

I. Korinito 15:20

Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut.

Deuteronomi 14:22

U me he ka ham ke keihen a libenyitainy troban hnyei hnyi ke huna me ke huna.

Deuteronomi 14:23

Ke u me he ka han ke keihen a libenyitainy ânyâm hwit, me ânyâm waina, me ânyâm wakaco, me je nokon halem je kau a bân, me halem je mamoe, hnyi hnyimakö Iehova Khongom, hnyi dok e ame he ka ûca me me laba hnyin ien; mʼ u me he ka nâ ka outö Iehova Khongom hnyi ta ogo bong hia.

Deuteronomi 16:13

Ke u me he ka ânyâ bijeûiny je uma hunuma, hnyi je bong a seven, hwaban hnâm hna ip ûnyi hnyi uma hnân uja ânyâm hwit, me ûnyi hnyi hna hlec ânyâm vine:

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.