Numera 14:22 - Iaai Bible 1901 (New Caledonia)

²² ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Numera 14:22 ပူးပေါင်းရင်းမြစ်များ

Genese 31:41

Twente je hunaik hnyi hnyabam; oge bi athnyaba köu fortin ta huna hwaban lakom li hlu, ke siks ta huna hwaban halem je meno: ke u je olibenyita wia hwabök.

Genese 31:7

Ke a iyawö nya hnen kamöbu, me olibenyita wia hwabök; ke Khong ame ca hna but kâu he ka okongu nya.

Jobu 19:3

Öbun e hia but olibenyita but û nya kongu nya: Öbun e ca hmehma ge hnobun hna omonumonu nya.

Salamo 106:14

Kʼ adre me behnyekon gan hmâ hnyi hnyebuba, Me cubec Khong hnyi hnyebuba.

Salamo 106:26

Anyin a wale e ame ogöranyâ hnyamen kodra, A e ame he ka hagutʼ ödra hnyi hnyebuba;

Salamo 78:41

Ke adre me hmetuhmetu me cubec Khong, Me haiûhnyûkongoâ At ae Kap anyi Isaraela.

Esodo 14:11

Ke haingödra kö Mose, Hawa, e ba je erkemok hnyi Aigupito, mʼ u me hum ohmun ka mok ang hnyi hnyebuba? Ieû ang u je ânyâ köhmun, ka hum ohmun ûhehmun Aigupito?

Esodo 15:24

Ke haba tavat adre me etrö Mose, me habe, ohmun e he ka ic ieû?

Esodo 16:2

Ke haba ûkhacaköu hia anyin lakon Isaraela adre me etrö Mose me Arona hnyi hnyebuba:

Esodo 17:2

Waleling me me he tavat ka û Mose, me ha, ka habe, Habelihmun. Ke Mose ame ha ködra, ka habe, Ieû gabun öbun e û nya? Ieû gabun öbun e cubic Iehova?

Esodo 17:3

Ke haba tavat adre me beic eling; kʼ ame etrö Mose tavat me habe, Ieû gam u je hum ohmun ûhehmun Aigupito he ka hlingʼ ohmun me lakuhmun me halehmun je meno ge beic?

Esodo 17:7

Ke e ame hwenyi ien dok eling Masa, me Meriba, can fuc a lakon Isaraela, me can hnödra hna cubic Iehova, me habe, Hawa, ka e Iehova unyita, ame ne ba?

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 5:21

ke haingödrin ködru, ka habe, Hamö Iehova he ka ö ʼbu me owisa, anyin a öbe obokongi öhmum kö Farao, me lathnyabainy, he ka ham hele vat ka hnyi hnyamödrin he ka hlingʼ ohmun.

Isaia 42:20

E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Numera 11:1

KE haba tavat helâke adre me ûhaiö, ke e kong e kö Iehova; ke Iehova ame löng, me gan hmâ anyin hmönyin; me ame ubâhlâ hmönyin anyi Iehova unyidra, me an ke ne o but ka hnyi obiny hna hunuma

Numera 11:4

Ke haba tavat ae ve bongon unyidra adre me hwân ka behnyekon: kʼ ame tenge hmetu lakon Isaraela me ha, ka habe, Ia ame he ka ha ötin ge meno?

Numera 12:1

KE haba Miriama me Arona ödru me haikongo Mose can momo Kuza e ame hom, anyin a e ame hom mome a at Kuza.

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 32:12

ke ca ha bi Kaleba nöku Jefune at Kenaza, me Josua nöku Nuna: anyin a ödre hnu hotu Iehova hnyi ta je ûnyi hia.

Mataio 4:7

Haba Iesu ame ha kâu, ka habe, Adre hia but sihnalimen minya, ka habe, U me ca he ka cubec Than a Khongom.

I. Korinito 10:5

Ke ame ca senyin Khong ka tavat gadra ae se hia: anyin adre me hudrin ju hnyi hnyebuba.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.

Heberu 3:9

Adre cubic nya lakamöbun hnyin, me elâm bonguk, Me wâ anyik ta je huliwa hnyi ta je huna a fâte.