Numera 14:2 - Iaai Bible 1901 (New Caledonia)

² Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 14:2 ပူးပေါင်းရင်းမြစ်များ

I. Je Than 19:4

Ke e ame he ka hnyi hnyebuba, a khaca bongon ka he; ke e ame o but me laba ju hmelen ûö ratami: ke e ame sumâtâ me me he ka mokcu; haingen, ka habe, Soju; walang ang, Iehova lö, hom dö anyik möt; anyin a iny ca so hon lakamök.

Jobu 3:11

Ieû oge me ca mok gan ûnyi hnyi hnyeku bai? Ke ieû oge me ca mok gan hnyi bong oge me o ûnyi hnyi hnyeku bai?

Salamo 106:24

Eke, adre me hmiödra hnyei ae hmanenang, Kʼ adre me ca kap bi hwan hofuc:

Salamo 106:25

Me adre me ulit hnyi umödra je uma mano, Me ca long ifuci Iehova.

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Esodo 14:11

Ke haingödra kö Mose, Hawa, e ba je erkemok hnyi Aigupito, mʼ u me hum ohmun ka mok ang hnyi hnyebuba? Ieû ang u je ânyâ köhmun, ka hum ohmun ûhehmun Aigupito?

Esodo 15:24

Ke haba tavat adre me etrö Mose, me habe, ohmun e he ka ic ieû?

Esodo 17:3

Ke haba tavat adre me beic eling; kʼ ame etrö Mose tavat me habe, Ieû gam u je hum ohmun ûhehmun Aigupito he ka hlingʼ ohmun me lakuhmun me halehmun je meno ge beic?

Jona 4:3

Anyin a wale, Iehova lö, ö u hom dö walang ang melik; anyin ae so oge me he ka mok, hon he ka mot.

Jona 4:8

Ke ame o thö seûno, me Khong ame penapena ang hwei ae kahwa; ke ame dei bö Jona me e ame momonu, ke e ame sumâtâ me me mokcu, haingen, ka habe, E so iny he ka mokcu, hon he ka möt.

Numera 11:1

KE haba tavat helâke adre me ûhaiö, ke e kong e kö Iehova; ke Iehova ame löng, me gan hmâ anyin hmönyin; me ame ubâhlâ hmönyin anyi Iehova unyidra, me an ke ne o but ka hnyi obiny hna hunuma

Numera 11:15

Ke u je ne ânyâ helâe könya, me ö u hlingö nya but u je ne betenge gak; mʼ oge me ca he ka wâ anyik hlöuhlöu.

Numera 11:5

Ötin e ûnykûme je wâ waleji ötin e an baûâ hnyi hnyei Aigupito; me ta je kokuma, me je wajem, me je liki, me je önyen, me je galika:

Numera 14:1

KE ame tenge hwege ûkhacaköu hia, kʼ ame tenge thungaû tavat hnyi lit eling.

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 16:41

Ke haba nyi ame ulidri Mose me Arona hnen ûkhacaköu hia, me habe, Öbe hlingâ je atö Iehova.

Numera 17:6

Ke Mose ame fuc ka lakon Isaraela me anyidra je than hia, mʼ ödrin e ve ham kâu je uci, a ûsa khaca uci anyin ke than me ke than hoton je hnyaban lakamödrin, a twelv je uci.

Numera 20:2

Ke ba köiö hobi kâu tavat, mʼ adre me ûkhacaköu me tot kö Mose me Arona.

Numera 20:3

Me ame ivinö tavat me Mose, me ha, ka habe, Ohmun na tha mokcu ehac me je liamekeiny möhmun hnyi hnyimakö Iehova!

Numera 20:4

Ieû gabu obe hom ûkhacaköu anyi Iehova ka hnyi hnyebuba eang, mʼ öhmun e he ka mok e, me je halehmun?

Numera 21:5

Me haba tavat adre me fuc hwege ka Khong me Mose, me ha, ka habe, Ieû gabu öbe hum ohmun ûhehmun Aigupito he ka mokcu hnyi hnyebuba? anyin ae ba han, ke ba köiö; kʼ ohmun höcö han eang ae haba.

I. Korinito 10:10

Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia.

Deuteronomi 1:27

ke öbun e ulidro hnyi umöbun je uma, ka habe, Anyin a Iehova ame hûköti ota, me e ame hum ota ûheta hnyi hnyei Aigupito he ka hnʼ ota ka hnyi je hnyamen at Amora he ka ohiʼ ota.

Deuteronomi 9:23

Ke hnyi ûen Iehova ame kunʼ öbun ûheny Kadesi-banea, kʼ ame ha, ka habe, Ölö thʼ öbun, me hom hnyei oge me ham köbun; me öbun e hanyâûâ musi anyi Iehova Khongubun ke öbun e ca labageju kâu, me löng hwan hofuc.

Heberu 3:16

Anyin a ia ödra, waleji adre me hnyi löng, me ohmönyinâ e hawa, ca ödra hia waleji Mose ame hom ûhedra Aigupito?

Juda 1:16

Ödra tavat ulit, me tavat fuc, adre me he hoton ta je wedra ae kong (ke ame fufuc je hnyimödra) kʼ adre me ogânâ at me me hu troban bi kodra.